Qirg‘iziston bosh vaziri O‘zbekistonga keldi
Qirg‘iziston Respublikasi bosh vaziri Sapar Isakov boshchiligidagi Qirg‘iziston delegatsiyasi amaliy tashrif bilan O‘zbekistonga keldi.
O‘zA xabariga ko‘ra, mehmonlarni Andijon viloyatidagi “Do‘stlik” chegara majmuasida Andijon viloyati hokimi Shuhratbek Abdurahmonov, Qirg‘iziston Respublikasining O‘zbekistondagi elchixonasi vakillari va keng jamoatchilik vakillari kutib oldi.
Tashrifdan ko‘zlangan asosiy maqsad, ikki qo‘shni mamlakat o‘rtasida iqtisodiy, madaniy, chegara masalalari bo‘yicha aloqalarni yanada yuqori bosqichga ko‘tarish, shuningdek, savdo-sotiq, turizm, energetika, transport sohalaridagi hamkorlik ko‘lamini kengaytirish ko‘zda tutilgan.
Chegara majmuasida mehmonlarni kutib olishga bag‘ishlangan tadbirdan so‘ng Qirg‘iziston Respublikasi bosh vaziri Sapar Isakov rahbarligidagi delegatsiya Farg‘ona viloyatiga jo‘nab ketdi.
Farg‘onada O‘zbekiston Respublikasi va Qirg‘iziston Respublikasi bosh vazirlari raisligidagi ikki davlat chegaradosh viloyatlari rahbarlari kengashining birinchi yig‘ilishi bo‘lib o‘tadi.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024