«Rossiya o‘zini qurbon deb hisoblamasligi kerak» - Davlat departamenti
AQSh Davlat departamenti rasmiy vakili Hizer Noyyertning ma'lum qilishicha, Qo‘shma Shtatlar Rossiyadan amerikalik 60 nafar diplomatning chiqarib yuborilishini javob chorasi deb hisoblamaydi hamda o‘z tomonidan bunga boshqa qadamlar bilan reaksiya bildirishi mumkin. U bu haqda maxsus brifing davomida aytib o‘tdi.
Uning so‘zlariga ko‘ra, Amerika tomonining xatti-harakatiga Buyuk Britaniyadagi hujum turtki berdi.
«Biz buni britaniyalik fuqaro va uning qiziga uyushtirilgan dahshatli hujumga diplomatik javob reaksiyasi deb hisoblamaymiz. Yana bir marta qaytaraman: ular kimyoviy qurol bo‘yicha konvensiyani buzishdi, ular «Novichok» taqiqlangan moddadan foydalanishdi. Biz bunga jiddiy munosabatdamiz», - deya tushuntirgan Noyyert.
Uning qo‘shimcha qilishicha, AQSh bunday qarorni boshqa 28ta davlat bilan birga qabul qildi, Rossiya esa «o‘zini qurbon deb hisoblamasligini kerak».
Eslatib o‘tamiz, avvalroq Hizer Nauert Qo‘shma Shtatlarning Sankt-Peterburgdagi bosh konsulxonasi yopilishi birinchi navbatda AQShga borish uchun viza kerak bo‘lgan rossiyaliklarning o‘ziga salbiy ta'sir ko‘rsatishi haqida ma'lum qilgandi.
Mavzuga oid
22:03 / 22.09.2024
Tramp debat o‘tkazish haqidagi Harris taklifini rad etdi
21:12 / 22.09.2024
Pokistonda Rossiya elchisi kortejidagi avtomobil mina bilan portlatildi
20:07 / 22.09.2024
Zelenskiy Rossiya bilan muzokaralar bo‘yicha pozitsiyasini nega o‘zgartirganini tushuntirdi
18:47 / 22.09.2024