Tsukerberg Facebook’dagi himoya bo‘yicha ikkita yangi chorani ma'lum qildi
Facebook kompaniyasi rahbari Mark Tsukerberg ijtimoiy tarmoqdagi sahifasida yangi choralar haqida xabar berdi. Ular ijtimoiy tarmoq rahbariyati tomonidan «ijobiy diskurs yaratish» va qator davlatlarda rejalashtirilayotgan saylovlarga ehtimoliy aralashuv harakatlarining oldini olish maqsadida joriy etilishi kutilmoqda.
«Birinchidan, bugungi kundan siyosiy yoki jamoatchilikka ahamiyatli bo‘lgan mavzuda reklama joylashtirishni xohlagan har bir reklama beruvchi o‘z shaxsini tasdiqlashi kerak», - deya yozdi Tsukerberg.
Tekshiruvdan o‘tishdan bosh tortganlarga shunday mavzularda reklama joylashtirishga rad javobi beriladi, ularning o‘zi esa reklamaga buyurtma berganlar haqida ma'lumotni e'lon qilishi lozim.
«Ikkinchidan, biz ommabop sahifalar egalaridan ham tekshiruvdan o‘tishni so‘raymiz», - deya qo‘shimcha qilib o‘tdi u.
Ma'lumotlarga ko‘ra, bunday choralar sahifalarni soxta akkauntlar orqali boshqarishga imkon bermaydi, shuningdek, yolg‘on xabar tarqalishining oldini oladi.
Mavzuga oid
19:21 / 04.10.2024
Tsukerberg dunyodagi eng badavlat insonlar reytingida Amazon asoschisini ortda qoldirdi
23:18 / 30.09.2024
Tsukerberg 2030 yilga borib №1 gadjetga aylanadigan qurilma nomini aytdi
22:30 / 29.09.2024
Mark Sukerbergning boyligi oxirgi 2 yilda olti barobarga oshdi
00:32 / 29.09.2024