Anqara avvaldan xabardor etildi - Turkiya
Anqara Bashar Asad rejimiga qarshi harbiy amaliyot haqida avvaldan xabardor etilgan. Bu haqda Turkiya bosh vaziri o‘rinbosari Bakir Bo‘zdog‘ ma'lum qildi.
Bo‘zdog‘ning ta'kidlashicha, prezidentlar Rajab Toyyib Erdo‘g‘an va Donald Trampning ko‘rsatmasiga muvofiq, Suriyadagi harbiy amaliyot arafasida Turkiya hamda AQSh Bosh shtablari boshliqlarining muloqoti bo‘lib o‘tgan.
Shu bilan birga, bosh vazir o‘rinbosari Suriyaga berilgan so‘nggi zarbalar davomida «Injirlik» aviabazasidan foydalanilmaganini aytdi.
Bo‘zdog‘ning so‘zlariga ko‘ra, Suriya mojarosiga yechim topish uchun keskinlik siyosatidan voz kechish va muloqotga bor e'tiborni qaratish darkor. Boshqa yo‘llar qon to‘kilishiga olib keladi, deb qayd etib o‘tdi bosh vazir o‘rinbosari.
«Anqaraning Suriya bo‘yicha pozitsiyasi tushunarli. Turkiya Bashar Asad rejimi, kimyoviy hujum va qurolning oddiy turlari qo‘llanilishiga, qurolli to‘qnashuvlar, odamlarning halok bo‘lishi, suriyaliklarning qochqinlarga aylanishi, shuningdek turli terrorchilarga qarshidir», - deya aytib o‘tdi Bo‘zdog‘.
Bosh vazir o‘rinbosarining ishonch bildirishicha, raketa zarbalari Suriya muammosiga yechim topishga hech qanday hissa qo‘shmaydi. «Aniqki, Suriyaga so‘nggi raketa zarbalari bu mamlakat muammosiga yechim topishda yordam bermaydi», - deya aytib o‘tdi Bo‘zdog‘.
Mavzuga oid
16:11 / 09.09.2024
Suriyada Isroil zarbasi oqibatida 14 kishi halok bo‘ldi
21:57 / 07.09.2024
AQSh Iroqdan qo‘shinlarini olib chiqish sanasi ma’lum bo‘ldi - OAV
12:52 / 10.08.2024
Suriyada Eron tomonidan qo‘llab-quvvatlangan guruhlar hujumida 11 kishi halok bo‘ldi
15:07 / 07.08.2024