O‘zbekiston va Rossiya o‘rtasidagi tovar aylanmasi bir oyda 50,2 foiz o‘sdi
O‘zbekiston va Rossiya o‘rtasidagi tovar aylanmasi 2018 yilning yanvar-fevral oylarida 50,2 foiz o‘sib, qariyb 600 million AQSh dollarini tashkil etdi. Bu haqida “Expo-Russia Uzbekistan-2018” xalqaro ko‘rgazmasining ochilishiga bag‘ishlab o‘tkazilgan matbuot anjumanida ma'lum qilindi, deb yozmoqda “Xalq so‘zi”.
O‘z navbatida, Rossiyaning mamlakatga kiritgan investitsiyasi hajmi 8,5 milliard dollardan oshib ketdi.
Rossiyaning O‘zbekistondagi savdo vakili o‘rinbosari Leonid Pokrovskiyning aytishicha, soliq, bojxona va valyutaga oid qonunchilikning liberallashtirilishi, shuningdek, mintaqaviy darajada savdo-iqtisodiy hamkorlikning optimallashtirilishi o‘zaro savdo-sotiqning bunday shiddatli rivoj olishida ijobiy omillarga aylandi.
Eslatib o‘tamiz, shu haftada Toshkent mezbonlik qilayotgan yuqoridagi xalqaro ko‘rgazmada O‘zbekiston, Rossiya Federatsiyasi va Markaziy Osiyo davlatlaridan energetika, mashinasozlik, metallurgiya, qurilish, transport, telekommunikatsiya va aloqa, kimyo sanoati, agrosanoat kompleksi, xalq iste'moli mollari kabi tarmoqlarda faoliyat yuritadigan 200dan ortiq kompaniya ishtirok etyapti.
Mavzuga oid
00:16
Norvegiya hukumati Rossiya bilan chegaraga panjara qurish haqida o‘ylamoqda
18:57 / 29.09.2024
Rossiyada migratsiya siyosatini kuchaytiradigan beshta qonun loyihasi ko‘rib chiqiladi
13:31 / 29.09.2024
Putin Rossiyaning yadro doktrinasini o‘zgartirmoqchi. Bu amalda nimani anglatadi?
11:54 / 29.09.2024