Tojik-afg‘on chegarasida yangi chegara posti qurildi
O‘tgan shanba kuni Tojikistonning Xatlon viloyati Shaxritus tumani hududida tojik-afg‘on chegarasidagi «Tagnob» chegara postining ochilish marosimi bo‘lib o‘tdi.
«Avesta»ning Tojikiston Milliy xavfsizlik davlat qo‘mitasi chegara qo‘shinlari matbuot markaziga tayanib xabar berishicha, «Tagnob» chegara posti BMTning giyohvand moddalar va jinoyatchilik bo‘yicha idorasi tashabbusi doirasida, Tojikiston-Afg‘oniston chegarasidagi nazoratni kuchaytirish maqsadida Yaponiya hukumati moliyaviy yordami bilan qurildi.
Tojikiston-Afg‘oniston chegarasidan Rossiya qo‘shinlari olib chiqib ketilgani ortidan, Tojikiston Milliy xavfsizlik davlat qo‘mitasi chegara qo‘shinlari xalqaro hamjamiyat ko‘magida chegarani mustahkamlash konsepsiyasini ishlab chiqdi, u ba'zi chegara postlarini tiklashni o‘z ichiga olgan. BMTning giyohvand moddalar va jinoyatchilik bo‘yicha idorasi konsepsiyasining asosiy ishtirokchilaridan biriga aylandi. Uning yordami bilan Tojikiston va Afg‘oniston o‘rtasidagi chegarada yettita chegara zastavasi qurildi hamda tiklandi: «Bahorak», «Bog‘», «Sarig‘or», «Shog‘un», «Yo‘l», «Yaxchi Pun» va «Taxti Sangin». «Tagnob» chegara posti BMT ko‘magida qurilgan sakkizinchi obektga aylandi.
Mavzuga oid
12:03 / 26.09.2024
O‘zbekistonga davolanish maqsadida kelgan xorijliklar soni ma’lum qilindi
23:22 / 24.09.2024
BMT Afg‘onistonda ayollarga qo‘yilgan barcha cheklovlarni olib tashlashni talab qildi
19:37 / 24.09.2024
Muhojirlardan himoyalanish uchun: Eron Afg‘oniston bilan chegarada devor qurmoqda
00:28 / 19.09.2024