Mashg‘ulotlarida mushukdan foydalangan chechenistonlik MMA jangchisini jazolash talab qilindi

Ijtimoiy tarmoqlarda aralash yakkakurashlar bo‘yicha (MMA) rossiyalik jangchi Albert Durayevni musobaqalardan chetlashtirish bo‘yicha petitsiyaga imzo yig‘ilmoqda. Bu haqda «Sovetskiy sport» xabar berdi.

Sport ishqibozlarining darg‘azab bo‘lishiga video sabab bo‘ldi, unda Durayev o‘z sherigi bilan mushukni bir-birlariga qarata otishgan.

Rolik 29 yoshli sportchining o‘zi tomonidan instagramdagi sahifasida e'lon qilindi.

Petitsiya mualliflari Durayev va uning sherigini MMA musobaqalaridan chetlashtirishni talab qilishmoqda. Hozircha buning uchun 60 mingta imzo yig‘ildi.

Durayev M-1, Unity Championships va Absolute Championship Berkut shafeligida janglarda ishtirok etgan. Uning hisobida 11 g‘alaba va uchta mag‘lubiyat bor.

Eslatib o‘tamiz, avvalroq MMA jangchisi qo‘lidan dahshatli jarohat olgani va raqibidan qochishga uringani tasvirlangan video e'lon qilingandi.