Toshkent shahridagi Turin politexnika universitetida yangi o‘quv yiliga qabul jarayonlari boshlandi

Mamlakatimizda mustaqilligimizning ilk yillaridanoq ta'lim sohasida amalga oshirilayotgan keng islohotlar sabab,  yurtimizda jahon ta'lim standartlariga mos yetuk oliy o‘quv yurtlari qatorida  nufuzli xorijiy oliygohlarning filiallari faoliyat yuritmoqda.

Bugun ushbu oliy o‘quv yurtlarini tamomlagan yoshlar mamlakatimizning turli tarmoqlarida mahalliy  mutaxassislar sifatida faoliyat yuritib kelmoqdalar. 

Sanoatning  yuqori tarmoqlari bo‘lgan avtomobilsozlik,  qurilish arxitekturasi va axborot texnologiyalari hamda joriy yildan boshlab aviakosmik injiniring yo‘nalishi bo‘yicha mutaxassislarni yetkazib beruvchi Toshkent shahridagi Turin politexnika universiteti yurtimizdagi nufuzli oliy o‘quv yurtlaridan biridir.  Hozirda ushbu oliygohda 1000 dan ortiq  talabalar  tahsil olmoqda.  Universitet talabalari hamda professor- o‘qituvchilari  bir necha yillardan beri xalqaro tashkilotlarning turli dasturlarida faol ishtirok etib, har yili Italiya, Germaniya, Yaponiya va Janubiy Koreya kabi davlatlarga almashinuv dasturi orqali borib o‘z malakalarini oshirib qaytmokdalar. Bundan tashqari, talabalar Yevropaning dunyoga tanilgan yirik korxona va tashkilotlarida amaliyot o‘tamoqdalar.

Shuningdek,  yurtimiz va xorijiy davlatlarda bo‘lib o‘tayotgan turli ko‘rgazma va seminarlarda ham universitet talabalari faol ishtirok etib kelishmoqda. Xususan,  International Youth Summit, ICT Week, World Festival of  Youth and Students 2017 in Sochi, Russia,  Astana EXPO 2017  va shu kabi boshqa ko‘plab  ko‘rgazmalarda universitetning iqtidorli talabalari o‘z innovatsion loyihalari bilan qatnashdilar. 

Universitetda o‘quv jarayonlari Italiyaning Turin universiteti va xalqaro standartlarga hamda O‘zbekiston Respublikasi kadrlar tayyorlash milliy dasturi maqsad va vazifalariga mos ravishda olib boriladi. Universitetda  Italiyadan kelgan yuqori malakali professorlar va mahalliy professorlar talabalarga ta'lim berishadi va darslar to‘liq ingliz tilida olib boriladi.

E'tiborli jihati, universitetda kirish imtihonlari uchun hujjatlar topshirish jarayoni  va  kirish imtihonlari  mamlakatimizda yangi bo‘lgan tizim  Online tarzda o‘tkazib kelinadi. Abituriyentlar universitet sayti orqali  Online ro‘yxatdan o‘tishgach, hujjatlarni taqdim etishadi. Shundan so‘ng, ularning  biometrik pasport ma'lumotlari va barmoq izlari skanerdan o‘tkazilib, abituriyentlar ma'lumotlar bazasiga kiritiladi. Online test sinovi kuni esa biometrik pasport ma'lumotlari va barmoq izlari abituriyentlar ma'lumotlar bazasiga muvofiqligi tekshirib ko‘rilgandan keyin, imtihonga kirishga ruxsat etiladi.

2014- yildan beri yo‘lga qo‘yilgan bu tizim abituriyentlarning imtihon jarayoni ochiq, ya'ni shaffof  tarzda o‘tishi va natijalar abituriyentning o‘z bilimigagina bog‘liq ekanligiga bo‘lgan ishonchni berishi tabiiy. Bundan tashqari, Online  imtihon jarayoni Toshkent shahridagi Turin politexnika universitetida Italiyadan kelgan yuqori malakali professorlar  tomonidan nazorat qilinadi.

Kirish imtihonlariga joriy yildan boshlab ayrim o‘zgartirishlar kiritilgan bo‘lib, Online test savollari: Matematika fanidan 18 ta; Fizika fanidan 12 ta; Mantiq  bo‘yicha 6 ta hamda O‘qib tushunish bo‘yicha 6 ta jami  42 ta savollardan iborat bo‘ladi. Online  test jarayoni 90 daqiqa davom etadi. Tanlangan javoblar har bir to‘g‘ri javob uchun 1 ball, noto‘g‘ri javob uchun uchun  -0,25 ball ayirib tashlanadi, tanlanmagan javob varianti esa 0 ball bilan baholanadi. Abituriyentlar Online testni yakunlagandan so‘ng, to‘g‘ridan to‘g‘ri o‘z test natijalari bilan tanishishlari mumkin.

 Kirish  imtihonlarining  yuqori saviyada o‘tkazilishi abituriyentlar tomonidan yaxshi qabul qilinmokda. Shuning uchun ham universitetga kirish uchun hujjat topshiruvchilarning soni yildan yilga ortib bormokda.

Imtihon natijalariga  ko‘ra  jami 100 foizdan  80 dan  yuqori ball to‘plagan  35 nafar talabalikka qabul qilinganlarga 2-kursdan o‘qishni davom ettirish imtiyozi beriladi.

Universitetga 2018/2019  o‘quv yili uchun quyidagi bakalavriat ta'lim yo‘nalishlari va magistratura mutaxassisligi bo‘yicha abituriyentlar qabul qilinadi :

Eslatib o‘tamiz, bu yili universitetga hujjatlar topshirish muddati 1 maydan ish boshladi  va 29 iyunga qadar davom etadi. Hujjatlar topshirish bo‘yicha to‘liq ma'lumotlar universitet sayti  www.polito.uz da keltirilgan