Italiya bortida noqonuniy muhojirlar bo‘lgan kemalarni qabul qilishdan bosh tortmoqda
Italiya ichki ishlar vaziri Matteo Salvini 16 iyunda Italiya bortida noqonuniy muhojirlar bo‘lgan ikkita yangi kemani qabul qilishga tayyormasligini ma'lum qildi.
Salvinining ma'lum qilishicha, Lifeline va Seefuchs kemalari Liviya sohillari yaqinida qolmoqda. Kemalarning bortida kontrabandachilar tomonidan tashlab ketilgan muhojirlar bor.
“Bu kimsalarga ma'lum bo‘lsinki, Italiya noqonuniy migratsiya biznesiga boshqa aralashtirilishini istamaydi va shu sababli bu kemalar bora oladigan boshqa port qidirishingizga to‘g‘ri keladi”, deb yozgan Salvini feysbukda.
Salvinining ma'lum qilishicha, Italiya avvalroq qabul qilishni istamagan Aquarius kemasi Ispaniyaga 17 iyunda yetib kelishi kutilmoqda.
Avvalroq Italiya va Malta bortida 629 noqonuniy muhojir bo‘lgan Aquarius kemasini o‘z portlariga kiritishdan bosh tortgandi. Kemadagi odamlarning O‘rta yer dengizida o‘tkazilgan qutqaruv amaliyotlari davomida hayotlari saqlab qolingan. Ikki davlat, BMT va Yevropa ittifoqining kemani qabul qilishga chaqirishiga qaramay, uni qabul qilmaslikka qaror qilgan. Shundan keyin Ispaniya hukumati kemani Valensiya portida qabul qilishga tayyorligini ma'lum qilgan.
Mavzuga oid
11:10 / 21.09.2024
O‘zbekiston va Italiya qishloq xo‘jaligida ilg‘or texnologiyalarni joriy etadi
10:20 / 19.09.2024
Italiyada O‘zbekiston to‘qimachilik mahsulotlari savdo uyi ochildi
11:20 / 09.09.2024
“Suvga to‘ymayotgan sigirlarim sut ham bermay qo‘ydi” – Sitsiliyada qurg‘oqchilik sabab qishloq xo‘jaligi halokat yoqasiga keldi
16:19 / 31.08.2024