Tailandda g‘ordan bolalarni qutqarish amaliyoti vaqtinchalik to‘xtatildi
Tailandda g‘orda qolib ketgan yosh futbolchilarni qutqarish amaliyoti vaqtinchalik to‘xtatildi. Bu haqda BBC xabar bermoqda.
Qutqaruv amaliyoti shtabida aytilishicha, bunga g‘orda kislorod zaxirasi kamayib ketgani sabab bo‘lgan. Kislorod zaxirasini to‘lg‘azish maqsadida amaliyotni kamida 10, ko‘pi bilan esa 20 soatga to‘xtatishga qaror qilingan.
Qutqaruvchilar tashqariga avval ma'lum qilingandek 6 bolani emas, 4 bolani olib chiqishga muvaffaq bo‘lishgan. Birinchi bo‘lib eng ko‘p holdan toygan bolalarni olib chiqishga qaror qilingan.
Ma'lum qilinishicha, qutqaruv amaliyotida 90 ga yaqin, jumladan, 50 xorijlik g‘avvos ishtirok etmoqda.
The Independent nashrining yozishicha, bolalarga g‘ordan chiqish uchun 4,5 kmcha yo‘lni bosib o‘tishga to‘g‘ri keladi. Hozirda bolalar 10 kvadrat metrdan kichikroq quruq joyda o‘tirishibdi, biroq yaqin orada hududda kuchli yomg‘irlar kutilmoqda va suv sathi yanada ko‘tarilib, havo bor joy yanada kamayishi mumkin.
Mavzuga oid
23:17 / 19.09.2024
Tailandda piton changalida qolib ketgan ayol ikki soatdan keyin qutqarib olindi
10:20 / 13.09.2024
Tailandda kuzatilgan to‘fon oqibatida jabr ko‘rganlar orasida O‘zbekiston fuqarolari yo‘q
22:48 / 06.09.2024
Tailandning yangi hukumati siyosiy notinchliklardan keyin qirolga qasamyod keltirdi
23:40 / 01.09.2024