Misrda 39 nafar ekstremist umrbod qamoq jazosiga mahkum qilindi
Misrning Asyut viloyati sudi mamlakatda taqiqlangan «Musulmon birodarlar» harakatining 39 a'zosini umrbod qamoq jazosiga mahkum qildi. Ular Muhammad Mursiy hokimiyatdan chetlatilganidan so‘ng, odamlarni zo‘ravonlik tadbirlarida ishtirok etishga da'vat qilganlikda aybdor deb topilishdi, deb xabar beradi «Yavm7» portali.
Ayni paytda «Musulmon birodarlar» guruhining deyarli barcha yetakchilari qamoqqa olingan. Ular davlat ustunlarini yo‘q qilishga urinish va Qohiraning Robia al-Adaviya dahasidagi namoyishchilar tarqatib yuborilgach, mamlakatda tartibsizliklarni vujudga keltirishga urinishda aybdor deb topilganlar.
Eslatib o‘tamiz, 2013 yili prezident Muhammad Mursiy hokimiyatdan chetlatilgach, «Musulmon birodarlar» harakati Robia al-Adaviya maydonida ko‘p kunlik namoyish uyushtirgandi. Shundan so‘ng, Misr xavfsizlik kuchlari barcha namoyishchilarni kuch ishlatib, tarqatib yuborgandi.
Mavzuga oid
12:40 / 16.09.2024
Misrda xorijiy turistlar bo‘lgan avtobus YTHga uchradi
23:44 / 09.09.2024
Misrlik arxeolog Germaniyadan Nefertiti byustini qaytarishni talab qilmoqda
17:58 / 07.09.2024
Turkiya va Misrning yarashuvi: ular nega arazlashgan edi?
17:00 / 06.09.2024