Plyaj qumini uyiga olib ketmoqchi bo‘lgan sayyoh 1000 yevrolik jarimaga tortildi
Italiyaning Sardiniya orolida karabinerlar plyaj qumini idishga to‘plab olgan sayyohni ming yevrolik jarimaga tortdi. Bu haqda RIA «Novosti» xabar bermoqda.
Ta'kidlanishicha, Buyuk Britaniyada doimiy ravishda istiqomat qiluvchi italiyalik uyiga plyaj qumi bilan to‘ldirilgan idishni suvenir sifatida olib ketmoqchi bo‘lgan.
Sardiniyada plyajdagi qumni olib ketish o‘g‘irlikka tenglashtirilgan bo‘lib, buning uchun 500 yevrodan 3 ming yevrogacha jarima qo‘llaniladi. Orol ma'muriyatining fikricha, bunday o‘ziga xos an'analar Sardiniya ekologiyasiga zarar yetkazmoqda.
Eslatib o‘tamiz, avvalroq O‘zbekiston fuqarolari uchun Koreyaning Chejudo oroliga vizasiz kirish to‘xtatilgani xabar berilgandi.
Mavzuga oid
11:10 / 21.09.2024
O‘zbekiston va Italiya qishloq xo‘jaligida ilg‘or texnologiyalarni joriy etadi
10:20 / 19.09.2024
Italiyada O‘zbekiston to‘qimachilik mahsulotlari savdo uyi ochildi
11:20 / 09.09.2024
“Suvga to‘ymayotgan sigirlarim sut ham bermay qo‘ydi” – Sitsiliyada qurg‘oqchilik sabab qishloq xo‘jaligi halokat yoqasiga keldi
16:19 / 31.08.2024