Qutqaruvchilar Moskva daryosidan cho‘kayotgan uch o‘zbekistonlikni qutqarib olishdi
Moskvada daryoda cho‘milayotib cho‘kib ketishiga bir bahya qolgan uch nafar O‘zbekiston fuqarosini qutqarib qolishdi, deb xabar berdi Moskva FVV boshqarmasi matbuot xizmati.
Ular suv yuzasida rezina matras, bolalar chambaragi va puflama timsohga osilib cho‘kib ketmaslikka urinishgan.
Cho‘kayotganlarni qidiruv-qutqaruv stansiyasidan 400 metr narida ko‘rib qolishgan. Ma'lum bo‘lishicha, uch erkak yarim shishirilgan bolalar puflama suzish vositalari yordamida cho‘milayotgan bo‘lishgan va cho‘ka boshlashgan. Vaxta kuzatuvchisi kutilmagan holatni ko‘rishi bilan qutqaruvchilarga xabar bergan va qutqaruvchilar katerda ularning oldiga yetib borishgan. Jabrlanganlar stansiyaga olib kelingan va ularga birinchi yordam ko‘rsatilgan.
Cho‘miluvchilar kasalxonaga yotishga ko‘nishmagan va suvda o‘zini tutish qoidalari bo‘yicha suhbatdan so‘ng ularga javob berilgan.
Mavzuga oid
18:35 / 17.09.2024
Moskva oblastida 2025 yildan boshlab migrantlar mehnati cheklanishi mumkin
21:00 / 16.09.2024
Moskva oblastida politsiyachi mashinasida o‘zbekistonlik bolani bosib ketdi
10:45 / 12.09.2024
«Hech kim yordam berolmaydi» – Moskva aeroportida Rossiya fuqaroligini rad etgani uchun qaytarilgan migrant hikoyasi
17:44 / 02.09.2024