Toshkentda GRBS xalqaro o‘quv va imtihon markazining Osiyodagi ilk filiali ochildi

Ozarbayjon Respublikasining O‘zbekistondagi elchixonasi va Toshkentdagi Haydar Aliyev Madaniyat Markazi tashkiliy ko‘magida akkreditatsiyadan o‘tkazilgan GRBS^® xalqaro o‘quv va imtihon markazining rasmiy ochilish marosimi bo‘lib o‘tdi. Tadbirda ishtirok etgan KUN.UZ muxbiri shu haqida xabar berdi.

Marosimida Ozarbayjon Respublikasining Yurtimizdagi elchisi Huseyn Guliyev va xalqaro o‘quv va imtihon markazi rektori Bahrom Qurbonov ham ishtirok etdi.

Ochilish marosimida markaz rektori tomonidan xalqaro o‘quv va imtihon markazi, uning faoliyati bo‘yicha mehmonlarga ma’lumot berildi. Shundan so‘ng GRBS^® bo‘ylab qiziqarli sayohat tashkil etildi.

GRBS^® 2005 yildan buyon faoliyat yurituvchi Ozarbayjonning ta’lim va ma’naviyat-axborot markazi bo‘lib, ASSA, NEBOSH, PMI, Pearson VUE, Kryterion, CiSCO Academy, ETS, Prometric, Kryterion, BSI, CiSCO, MICROSOFT kabi nufuzli kompaniyalar tomonidan akkreditatsiyadan o‘tgan.

Buxgalteriya hisobi, loyiha boshqaruvi, mehnat muhofazasi va xavfsizligi, axborot texnologiyalari va boshqa sohalar bo‘yicha xalqaro va mahalliy kurslarni tashkil etish, turli fan va yo‘nalishlarda 300dan ortiq professional treninglar, chet tillari bo‘yicha kurslar, PEARSON RTe, IELTS, TOEFL, GMAT, GRE, SAT va boshqa xalqaro imtihonlar o‘tkazish,xorijda ta’lim va migratsiya xizmatlari ko‘rsatish hamda turli sohalarda kompyuter imtihonlarini tashkil etish tashkilotning faoliyat yo‘nalishlariga kiradi.

Bundan tashqari, GRBS^® so‘nggi 8 yil davomida rasmiy IELTS imtihon markazi sifatida Ozarbayjonning to‘rtta shahrida imtihonlar o‘tkazdi.

International Business School oliy ta’lim muassasasining tashkil etilganligi tashkilotning ushbu davrdagi eng katta muvaffaqiyati hisoblanadi.

Ushbu oliy dargohda franchayzing shartnomasiga muvofiq tashkil etilgan, dunyoda eng keng tarqalgan “Vatel - Hotel & Tourism Management School“ tarmog‘i turizm va mehmonxona boshqaruvi sohasida xalqaro va professional xodimlar tayyorlash bilan shug‘ullanadi.

Xalqaro o‘quv va imtihon markazining Toshkent shahri Taras Shevchenko ko‘chasi 21-uyda joylashgan filiali eng yangi texnologiyalar bilan jihozlangan va zamonaviy moddiy-texnika bazasiga ega bo‘lib, davlat va xususiy tuzilmalarga yuqoridagi xizmatlarning barchasini taqdim etadi, deydi Bahrom Qurbonov.

Shuningdek, Mehribonlik uyi tarbiyalanuvchilariga GRBS^®xalqaro o‘quv va imtihon markazida tahsil olish uchun alohida maxsus bonuslar taqdim etiladi.

GRBS^® xalqaro o‘quv va imtihon markazining ochilishi Ozarbayjon va O‘zbekiston o‘rtasida do‘stona aloqalarni rivojlantirishga ko‘mak beradi, madaniy va ijtimoiy aloqalarni mustahkamlashda, shuningdek, O‘zbekistonning malakali va xalqaro malakali mutaxassislar orqali jahon loyihalariga integratsiyalashuvida muhim rol o‘ynaydi.

Telefon: (+99878) 129-19-19 

Email: info.tashkent@grbs.com

Facebook: https://www.facebook.com/grbsuzbekistan

Instagram: https://www.instagram.com/grbs_uzbekistan