Samarqandda kuppa-kunduzi dahshatli qotillik yuz berdi
Samarqand shahrida istiqomat qiluvchi 19 yoshli S.R. hamshahri, 39 yoshli A.B.ga og‘ir tan jarohati yetkazgan. Pichoq vositasida yetkazilgan jarohatlardan so‘ng A.B. hayotdan ko‘z yumgan, deb xabar beradi Kun.uz muxbiri.
Kun.uz muxbirining voqea joyidan xabar qilishicha, 15 oktabr kuni S.R. Sartepa massivi hududidagi «Erkin savdo» majmuasi yaqinidagi avtomobillar ehtiyot qismlari do‘konida A.B. bilan janjallashib qolgach, uning tanasiga oshxona pichog‘i bilan bir necha jarohat yetkazgan.
A.B. jon holatda voqea joyidan qochib, o‘z hayotini saqlab qolishga uringan, biroq jahl otiga mingan S.R. uni quvib yetib, yana bir necha bor pichoq urgan. Natijada, A.B.ning joni uzilgan.
Dahshatli qotillikni amalga oshirgan S.R.ga nisbatan O‘zbekiston Respublikasi Jinoyat kodeksining 97-moddasi bo‘yicha jinoyat ishi ochilgan.
Mavzuga oid
14:06 / 26.09.2024
Yaponiyada sud 56 yil avvalgi qotillik uchun o‘limga hukm qilingan erkakni oqladi
09:23 / 26.09.2024
Turkiyada 8 yoshar qizaloqning o‘ldirilishi. Bu haqida nimalar ma’lum?
19:23 / 25.09.2024
Samarqandda qarovsiz holda quritib yuborilgan bog‘lar masalasi prokuratura nazoratiga olindi
16:16 / 25.09.2024