Sakkizinchisi. Shahrisabz tumani hokimi ham ishdan ketdi
Qashqadaryo viloyati Shahrisabz tuman hokimi Xolbobo Bozorov lavozimidan ozod etildi.
20 oktabr kuni Xalq deputatlari Shahrisabz tumani Kengashining navbatdan tashqari sessiyasisida viloyat hokimi qaroriga asosan Bozorov lavozimdan olinib, uning o‘rniga viloyat iqtisodiyot boshqarmasida faoliyat yuritib kelayotgan Isroil Omonov tuman hokimi lavozimiga tayinlangan.
Xolbobo Bozorov 2017 yil iyun oyidan tuman hokimi lavozimida ishlab kelayotgan edi.
Qayd etish kerakki, bu joriy hafta ichida ishdan ketgan sakkizinchi hokim bo‘ldi.
14 oktabr kuni bosh vazir Abdulla Aripov raisligida paxta yig‘im-terimi masalasida bo‘lib o‘tgan selektorda viloyatlar hokimlariga respublika bo‘ylab 10 hokimni ishdan bo‘shatish bo‘yicha taqdimnomalar kiritish haqida topshiriq bergandi.
O‘sha selektordan so‘ng Farg‘ona viloyatida Farg‘ona shahri va Farg‘ona tumani hokimi, Xorazm viloyatida Urganch tumani hokimi, Andijon viloyatida Oltinko‘l tumani hokimi, Sirdaryo viloyatida Guliston tumani, Toshkent viloyatida Angren shahri hokimi, Jizzax viloyatida esa G‘allaorol tumani hokimi ishdan olindi.
Mavzuga oid
18:30 / 20.09.2024
Hokim va mahalliy Kengash raisi lavozimlari bir-biridan ajratildi
21:23 / 19.09.2024
Multfilm: Vatanga investitsiya bilan qaytgan tadbirkorning sarguzashtlari
18:02 / 16.09.2024
O‘zbekistonda ilk bor rahbarlikka tayyorlaydigan qo‘shma ta’lim dasturi ish boshladi
17:12 / 02.08.2024