Xorazmlik jurnalist ozod etildi
29 oktabr kuni xizmat vazifasini o‘tayotgan paytda, Qo‘shko‘pir tumani IIB xodimlari tomonidan Urganch shahrida ushlangan jurnalist ozodlikka chiqarildi. Bu haqda Kun.uz muxbiri xabar bermoqda.
Ma'lum qilinishicha, Qo‘shko‘pir tumani Ma'muriy ishlar bo‘yicha sud qaroriga ko‘ra 7 sutkaga qamalgan Davlatnazar Ro‘zmetov jazo muddatini o‘tab, 5 noyabr kuni ozodlikka chiqarilgan. U Hazorasp tumani ichki ishlar bo‘limida saqlanayotgan edi.
Xorazmlik jurnalist, «Xorazm yoshlari» gazetasi muharriri o‘rinbosari lavozimida ishlab kelayotgan Ro‘zmetov bir hafta oldin Urganch shahrida qo‘lga olinib, sud mahkamasiga olib kelingan. Jurnalistning qamalishiga sabab qilib, O‘zbekiston Respublikasi Ma'muriy javobgarlik to‘g‘risidagi kodeksining 183-moddasi nazarda tutilgan huquqbuzarliklarni sodir etgani bildirilgandi.
Ayni paytda Ro‘zmetov bilan yuz bergan hodisa bo‘yicha ayrim ma'lumotlar ma'lum qilingan. Kun.uz xorazmlik jurnalist bilan yuz bergan hodisani batafsil o‘rganmoqda.
Mavzuga oid
18:40 / 18.09.2024
Urganch davlat universiteti tomonidan o‘tkazilgan tenderda qonunbuzilishi aniqlandi
11:40 / 10.09.2024
Xorazmda 4 tup daraxt kesgan shaxs jarima va zarar uchun 27,8 mln so‘m to‘laydi
10:43 / 05.09.2024
Latviya Xorazmda matematika va IT yo‘nalishida maktab ochadi
18:31 / 19.08.2024