BMT bosh kotibi Kamerunda o‘g‘irlab ketilgan o‘quvchilarni ozod qilishga chaqirdi
BMT bosh kotibi Antoniu Guterrish 5 noyabrda Kamerunning Bamenda shahridagi maktabdan o‘g‘irlab ketilgan o‘quvchilar va xodimlarni zudlik bilan ozod qilishga chaqirdi. Bu haqda BMT bosh kotibining rasmiy vakili Stefan Dyujarrik bayonotida aytilgan.
“Fuqarolarga, ayniqsa balog‘atga yetmaganlarga qarshi qaratilgan bu jinoyatni hech qanaqasiga oqlab bo‘lmaydi”, deb aytilgan bayonotda.
Guterrish Kamerunning Shimoli-g‘arbiy va Janubi-g‘arbiy viloyatlaridagi ixtilofni tinchlik bilan hal qilish zarurligini ta'kidlab o‘tgan.
5 noyabrda Kamerunning inglizzabon Shimoli-g‘arbiy viloyatining poytaxti hisoblanuvchi Bamenda shahrida 80 ga yaqin kishi, aksariyat o‘quvchilar o‘g‘irlab ketilgan. Ayni vaqtda ushbu jinoyat ortida kim turganligi noma'lum.
Kamerun Afrikaning eng barqaror davlatlaridan biri hisoblanadi, biroq joriy yilning oktabridan mamlakatning g‘arbiy, inglizzabon qismining ajralishini qo‘llab-quvvatlovchi ayirmachilar vaqti-vaqti bilan hukumat armiyasi bilan to‘qnashuvga kirmoqda.
Mavzuga oid
15:11 / 22.04.2024
Jurnalda quyi o‘rinda turuvchi o‘quvchilar pastroq bahoga o‘qiydimi? – tadqiqot
10:56 / 02.02.2024
«Qor erigach yo‘l ta’mirlanadi» - Surxondaryoda o‘quvchilarning maktabga loy yo‘ldan qatnayotgani yuzasidan hokimlik izoh berdi
12:19 / 26.08.2023
Kamerunlik 45 yoshli ayol birdaniga to‘qqiz nafar farzandni dunyoga keltirdi
19:21 / 15.05.2023