Taksichi yo‘lovchiga karmonini qaytarishga 8 soat urindi va uni topganda yig‘lab yubordi
Moskvada qirg‘izistonlik taksichi mashinada karmonini unutib qoldirgan qizni topish uchun sovuqda 8 soat vaqt o‘tkazishiga to‘g‘ri keldi. Bu haqda qizning o‘zi Facebook’dagi sahifasida ma'lum qilgan.
Varya Bortsova ismli ushbu qiz Moskvaga tonggi soat 5 da uchib kelgan va uyiga yetib olish uchun taksi yollagan. U keyingi kun peshin vaqtida uyqudan turgach, taksida pullar, hujjatlari va bank kartalari bo‘lgan karmonini unutib qoldirganini aniqlagan. Qiz qo‘llab-quvvatlash xizmati orqali haydovchini topishga uringan, biroq unga yordam bera olishmagan.
“Keyingi yarim soat ichida men rus mafiyasi shaxsiy ma'lumotlarimni o‘g‘irlab, Sochida mening pullarimga bazm uyushtirganini tasavvur qila boshladim”, deb yozgan qiz. Shunda uning otasi derazadan tashqariga qaraganda, pod'yezd oldida bir erkakka ko‘zi tushgan. Aniqlanishicha, bu erkak o‘sha taksichi bo‘lgan.
O‘z navbatida, taksichi mashinasida unutib qoldirilgan karmonni ko‘rib, taksopark koll-markazi bilan bog‘langan, biroq u yerda yo‘lovchining ma'lumotlari saqlab qolinmagan. O‘shanda u qizning uyiga qaytib, uni qidirishga urinib 8 soat ko‘chada o‘tkazishiga to‘g‘ri kelgan. Qiz uyidan chiqqanda esa ularning ikkisi ham yig‘lab yuborishgan. “Qancha uxlash mumkin? Men sovqotib ketdim!”, deb aytgan taksichi.
Ta'kidlanishicha, qiz minnatdorchilik sifatida taksichiga unga to‘lagan kira haqidan 5 marta kattaroq pul bergan.
Mavzuga oid
18:35 / 17.09.2024
Moskva oblastida 2025 yildan boshlab migrantlar mehnati cheklanishi mumkin
21:00 / 16.09.2024
Moskva oblastida politsiyachi mashinasida o‘zbekistonlik bolani bosib ketdi
10:45 / 12.09.2024
«Hech kim yordam berolmaydi» – Moskva aeroportida Rossiya fuqaroligini rad etgani uchun qaytarilgan migrant hikoyasi
17:44 / 02.09.2024