Qirg‘izistonda xitoyliklarni yo‘q qilishga chaqirgan ikki kishi qo‘lga olindi
Qirg‘izistonning Talas shahrida ikki kishi xitoyliklarni yo‘q qilishga chaqirgani uchun qo‘lga olindi. Bu haqda Turmush nashri xabar berdi.
Qo‘lga olinganlar internetda go‘yoki 300 ming xitoylik Qirg‘iziston chegarasini noqonuniy kesib o‘tgani va ular yo‘q qilinmasa, respublika bir necha yildan keyin Xitoyning viloyatlaridan biriga aylanishi haqida ma'lumot tarqatishgan.
Erkaklarning xatti-harakati milliy adovatni qo‘zg‘atish deb baholangan. Ushbu ish bo‘yicha materiallar milliy xavfsizlik qo‘mitasiga topshirilgan.
Avvalroq Bishkekda qirg‘izlarning Xitoyda ta'qib qilinishlariga qarshi norozilik aksiyasi o‘tgan. Ta'kidlanishicha, qirg‘izlar Xitoyda “qayta tarbiyalash lagerlari”ga yuborilib, u yerda ishlashga va xitoy tilini o‘rganishga majbur qilinmoqdalar. Namoyish ishtirokchilari barcha xorijliklar Qirg‘izistonni bir oy ichida tark etishlarini talab qilishgan.
Mavzuga oid
18:48 / 28.09.2024
Xitoydan Qirg‘iziston orqali o‘tadigan temir yo‘lning O‘zbekistondagi qismi qachon qurilishi ma’lum bo‘ldi
20:44 / 26.09.2024
Sadir Japarov Asqar Akayevning Qirg‘iziston prezidenti lavozimida qilgan uchta asosiy xatosini aytdi
09:55 / 25.09.2024
Saidikrom Niyozxo‘jayev O‘zbekistonning Qirg‘izistondagi elchisi etib tayinlandi
20:32 / 24.09.2024