Xakerlar shimoliy koreyalik qochoqlar haqidagi ma'lumotlarni o‘g‘irlashdi
Xakerlar KXDRlik mingga yaqin qochoq haqidagi ma'lumotlarni qo‘lga kiritishdi. Bu haqda Janubiy Koreyaning «Yonxap» agentligi xabar berdi.
Shimoliy koreyalik 997 nafar qochoq haqidagi batafsil ma'lumotlar yozilgan fayl Seuldagi migratsiya markazi kompyuterida bo‘lgan. Ma'lum bo‘lishicha, kompyuter virus bilan zararlangan va undagi ma'lumotlar virus mualliflari qo‘liga tushgan.
Bu xabarni Koreya birlashuv vazirligi vakillari ham tasdiqlashdi.
Ma'lumotlari xakerlar qo‘liga tushgan barcha shaxslarga bu haqda ma'lum qilingan. Politsiya hozircha xakerlik hujumi ortida kim turganini aniqlay olmadi.
Avvalroq 2018 yil yanvaridan noyabriga qadar Shimoliy Koreyadan Janubiy Koreyaga 1042 kishi qochib o‘tgani aytilgandi.
Mavzuga oid
20:40 / 21.09.2024
Shimoliy Koreyaga qochib o‘tgan amerikalik askar sharmandalarcha armiyadan haydalgani ma’lum bo‘ldi
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
20:19 / 13.09.2024
KXDR yadroviy qurol uchun mo‘ljallangan uran boyitiladigan zavod suratlarini e’lon qildi
20:56 / 05.09.2024