Pentagonning vaqtinchalik rahbari Afg‘onistonga to‘satdan keldi
AQSh mudofaa vaziri vazifasini bajaruvchi Patrik Shanaxan e'lon qilinmagan tashrif bilan Afg‘onistonga keldi. Bu haqda Associated Press xabar qilmoqda.
Agentlik ma'lumotlariga ko‘ra, Shanaxan Afg‘onistondagi Amerika harbiy qo‘mondonligi bilan «Tolibon» harakati vakillari o‘rtasida tinchlik to‘g‘risidagi muzokaralar fonida uchrashish niyatida.
Pentagon rahbari vazifasini bajaruvchining ta'kidlashicha, Afg‘oniston xalqi o‘z kelajagini, jumladan, toliblar bilan munosabatlar nuqtai nazaridan mustaqil ravishda belgilashi kerak.
Shuningdek, uning ma'lum qilishicha, Oq uydan Afg‘onistondagi Amerika qo‘shinlari sonini hozirgi 14 mingdan qisqartirish bo‘yicha ko‘rsatma kelib tushgani yo‘q.
Eslatib o‘tamiz, avvalroq AQSh Afg‘onistonda toliblarga qarshi hujumlarni kuchaytirgani xabar berilgandi.
Mavzuga oid
23:22 / 24.09.2024
BMT Afg‘onistonda ayollarga qo‘yilgan barcha cheklovlarni olib tashlashni talab qildi
19:37 / 24.09.2024
Muhojirlardan himoyalanish uchun: Eron Afg‘oniston bilan chegarada devor qurmoqda
00:28 / 19.09.2024
Dunyoda bir oy ichida qariyb 50 ming kishida vabo aniqlandi
11:30 / 17.09.2024