Andijonda “Umid va ishonch ko‘prigi” oshkora va bepul telefon tarmoqlari ishga tushirildi
Andijon viloyatining Bo‘z tumanida aholi va yuridik shaxslar murojaatlarini o‘rganish uchun o‘zgacha qulaylik yaratildi. Tumanning 4 ta sektor hududi - G‘olib, Guliston, Pillakor, Guzar MFY o‘ramlarida “Umid ishonch ko‘prigi” oshkora va bepul telefon tarmoqlari ishga tushirildi, deb xabar berdi Andijon IIB matbuot xizmati.
Tizim orqali fuqarolar o‘zlarini qiynab kelayotgan muammolar borasida sektor rahbarlariga hamda tumandagi boshqa tashkilot mutasaddilariga to‘g‘ridan-to‘g‘ri telefon orqali murojaat qilishlari mumkin.
Mazkur telefon tarmoqlari 24 soat mobaynida ish faoliyatida bo‘lib, fuqarolarning mutasaddilar qabul kunlarini kutmasdan murojaat qilishlariga imkoniyat yaratdi. Ushbu maskanlarda viloyat va tumanda faoliyat yurituvchi barcha tashkilotlarning aloqa uchun kerakli bo‘lgan ma'lumoti jamlangan.
Qayd etish joizki, tumanda 70 ming nafarga yaqin aholidan tarkib topgan 25 ta mahalla fuqarolar yig‘ini mavjud bo‘lib, hududda aholi punktlari bir biridan tarqoq va markazdan uzoqda joylashgan.
Mavzuga oid
16:57 / 19.09.2024
Andijonda elektrdan noqonuniy foydalangan tadbirkordan 20 mln so‘m olgan ETK muhandislari ushlandi
10:00 / 13.09.2024
Xitoy Andijonda chiqindilardan energiya ishlab chiqarishni yo‘lga qo‘yadi
20:05 / 12.09.2024
Hududlarda tadbirkorlar quyosh panellarini o‘rnatishga majburlanmoqda. Vazirlik tomoshabinmi?
09:50 / 11.09.2024