Abdulaziz Komilov Urugvay yangi elchisini qabul qildi

2019 yilning 2 aprel kuni O‘zbekiston Respublikasi tashqi ishlar vaziri Abdulaziz Komilov Urugvay Sharqiy Respublikasining yangi tayinlangan favqulodda va muxtor elchisi (qarorgohi Moskva shahrida) Enrike Xuan Delgado Xentani qabul qildi.

TIV xabariga ko‘ra, ishonch yorliqlarini qabul qilar ekan, vazir elchini O‘zbekistondagi missiyasi boshlangani bilan tabriklagan va mas'uliyatli vazifani bajarishda muvaffaqiyat tilagan.

Muloqot chog‘ida O‘zbekiston-Urugvay hamkorligining istiqbollari ko‘rib chiqilgan.

Uchrashuvda O‘zbekiston va Urugvayning geografik jihatdan bir biridan uzoqda joylashganiga qaramay, ayrim sohalarda aloqalarni faollashtirish uchun real imkoniyatlar mavjudligi ta'kidlangan.

Suhbat davomida xalqaro tashkilotlar shaklidagi hamkorlikka doir masalalar yuzasidan fikr almashildi, deyiladi xabarda.