London sudi Julian Assanjni 50 haftaga qamoq jazosiga hukm qildi
London sudi Wikileaks asoschisi Julian Assanjni garov evaziga ozodlikka chiqish shartlarini buzgani uchun 50 haftaga qamoq jazosiga hukm qildi, deb xabar berdi RIA Novosti.
"Siz o‘z ixtiyoringiz bilan politsiyaga taslim bo‘lmadingiz, Ekvador elchixonasi binoga politsiya kirishiga ruxsat berishga majbur bo‘ldi. Sizda tanlash imkoniyati bor edi va men jazoni yumshatish borasidagi barcha vajlarni rad etaman", — degan sudya Debora Teylor hukmni e'lon qilarkan.
Wikileaks asoschisi hukm e'lon qilinishi oldidan advokatlari orqali qilgan ishlaridan afsusda ekanligini bildirgan.
Payshanba kuni Vestminster magistrlik sudida Assanjni ekstraditsiya qilish masalasi bo‘yicha sud ishi davom etadi.
Jurnalist, WikiLeaks sayti asoschisi Julian Assanj josuslik mojarolari haqidagi o‘ta maxfiy materiallarni e'lon qilib kelgan. 2010 yilda Shvetsiyada uni hibsga olish uchun order berildi. 2012 yilda Assanj Ekvadorning Londondagi elchixonasiga yashirindi va ushbu davlat rahbariyatidan siyosiy boshpana so‘radi. U yetti yil davomida elchixonada yashadi, 2019 yil 11 aprel kuni Ekvador unga boshpana bo‘yicha rad javobi berdi.
Mavzuga oid
19:55 / 19.09.2024
«Sudya mustaqilligini ta’minlash uchun o‘z ustida ishlashi kerak» - Sudyalar oliy kengashi
16:25 / 19.09.2024
«Sudga ijtimoiy bosimning oldini olish uchun jarayon yopiq o‘tkazilyapti» – Sudyalar oliy kengashi Aziz Voitov ishi haqida
22:37 / 17.09.2024
Londondagi Oksford-strit ko‘chasi piyoda uchun mo‘ljallangan hududga aylantiriladi
14:50 / 16.09.2024