Bahovuddin Naqshband ziyoratgohidagi shirkka sabab bo‘lib qolayotgan qurigan daraxt joyidan olindi
Buxoro viloyatining Kogon tumanida joylashgan «Xo‘ja Bahouddin Naqshband» ziyoratgohidagi qurigan daraxt olib tashlandi. «Xabar.uz» xabariga ko‘ra, tut daraxti qoldiqlari avval turgan joydan olinib, muzey ixtiyoriga topshirilgan.
Ma'lum qilinishicha, O‘zbekiston musulmonlari idorasi raisi, muftiy Usmonxon Alimovning joriy yil 7 may kunidagi «Daraxt va tosh kabilarni muqaddas deb bilishning shirkligi to‘g‘risida»gi fatvosiga asosan ushbu qurigan tut daraxti ziyoratgoh hududidan olinib, Bahovuddin Naqshband majmuasidagi muzeyga taqdim qilindi.
Azon.uz manbasi xabariga ko‘ra, ziyoratchilarning shirk amallar qilishlariga sababchi bo‘lib qolayotgan ushbu eski daraxt 9 iyun kuni noma'lum shaxs tomonidan yoqib yuborilgan.
Ziyoratgoh majmuasi rahbari Abdulg‘ofur domlaning ma'lum qilishicha, daraxt rostdan ham kecha noma'lum shaxs tomonidan yoqib yuborilgan, lekin daraxtning qolgan qismi avval turgan joydan olinib, majmua qoshidagi muzey ixtiyoriga topshirilgan.
Mavzuga oid
07:50 / 21.09.2024
O‘zbekistonda 263 dona qadimiy tangani Turkiyaga yashirincha olib ketayotgan shaxs ushlandi
13:54 / 10.09.2024
2025 yil sentabr oyida Buxoro biyennalesi tashkil etiladi
20:34 / 31.08.2024
“Avvalo o‘zbek tilida yozilsin” - Buxoroda reklama bannerlari va lavhalar nega olib tashlanyapti?
07:32 / 20.07.2024