Toshkentda avtomobil davlat raqam belgilari o‘g‘risi qo‘lga olindi

Shu yil 19 iyul kuni soat 00:40da Toshkent viloyati Chirchiq shahrida yashovchi 28 yoshli A.A., Toshkent shahrining Mirzo Ulug‘bek tumanida joylashgan IT Park binosi oldida qarovsiz qoldirilgan Yalang‘och dahasida yashovchi 32 yoshli A.K.ga tegishli Cobalt rusumli avtomashinasining old va orqa tomon davlat raqam belgilarini yechib olib ketgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, ushbu holat yuzasidan jinoyat ishi qo‘zg‘atilgan. 

Ko‘rilgan choralar natijasida A.A. ushlangan. Tergov harakatlari davom etmoqda.