Apple yangi iPhone’larni taqdim qildi
Apple kompaniyasi Kupertinodagi taqdimotida 3 ta yangi smartfoni – iPhone 11, iPhone 11 Pro va iPhone 11 Pro Max’ni taqdim qildi.
Yangi iPhone 11 yana bitta kamera – 12 Mpli keng burchakli kamera olgan. U qorong‘i xonada yoki tunda olingan suratlar sifatini oshirishga imkon beruvchi Night Mode rejimi bilan jihozlanadi. Shuningdek, model 2 karra kattalashtiruvchi optik zum oladi.
Kamera 4K sifatida soniyasiga 60 kadr tezlik bilan video suratga oladi. Old kamera sekinlashtirilgan suratga olish rejimida video yoza oladi.
Shuningdek, smartfon 6,1 dyuymlik Liquid Retina displeyi bilan jihozlanadi va avvalgi model iPhone XR’ga nisbatan bir soat ko‘proq ishlay oladi.
Smartfon 6 ta rangda taklif qilinadi. Uning narxi 699 dollar bo‘ladi.
Yangi iPhone 11 Pro esa teleobektivli 3 ta kamera bilan jihozlanadi. U 4 ta rangda taklif qilinadi. Bundan tashqari, model 2 versiya – iPhone 11 Pro va iPhone 11 Pro Max’ga ega bo‘ladi. Ular bir-biridan ekrani diagonali bilan farqlanadi: mos ravishda 5,8 dyuym va 6,5 dyuym. Shuningdek, model yangi Super Retina XDR ekranini oladi.
Modellarning barchasi A13 protsessori bilan jihozlanadi. U bir soniyada trilliondan ko‘proq operatsiya bajara oladi.
Bundan tashqari, iPhone 11 Pro iPhone XS qaraganda qayta quvvatlashsiz 4 soat, iPhone 11 Pro Max esa iPhone XS Max’ga qaraganda 5 soat ko‘proq ishlay oladi. Modellarning narxi mos ravishda 999 va 1099 dollardan boshlanadi. Smartfonlar uchun buyurtmalar 20 sentyabrdan boshlab olinadi.
Kompaniya, shuningdek, iPad planshetlarining 7-avlodini taqdim qildi. Yangi model 10,2 dyuymli Retina-displeyini olgan. Ta'kidlanishicha, gadjet avvalgi modeldan 2 marta tezroq ishlaydi. Bundan tashqari, yangi iPad SD-xotira kartalarini qo‘llab-quvvatlaydi. Taqdimotda planshet korpusi qayta ishlangan alyuminiydan ishlangani ma'lum qilingan. Gadjet narxi 329 dollardan boshlanadi va 30 sentyabrdan sotuvga chiqariladi.
Mavzuga oid
22:57 / 28.09.2024
Apple OpenAI kompaniyasini moliyalashtirishda ishtirok etishdan bosh tortdi
12:14 / 26.09.2024
iPhone 16'dagi o‘zgarishlar va “pont” uchun 3 karra to‘lov - Apple kutilmalarni oqlayaptimi?
22:57 / 24.09.2024
Apple App Store do‘konidan 100 ga yaqin VPN-ilovani o‘chirib tashladi
21:48 / 18.09.2024