Qirg‘izistonda Putin va Lenin haykallari o‘rnatildi
Qirg‘izistondagi ZIL tog‘-chang‘i kurorti hududida Chingiz Aytmatov, Vladimir Lenin va Vladimir Putinning bronza haykallari o‘rnatildi.
Kurort poytaxt Bishkek shahridan 35 km masofada joylashgan. Hozir yangi haykallar o‘rnatilgan joyda obodonlashtirish ishlari olib borilmoqda.
24.kg agentligi xabariga ko‘ra, Putinning haykali yoniga minnatdorchilik izhori bitilgan toshlavha qo‘yilishi ham rejada bor.
Kaktus.media'ning qayd etishicha, ko‘plab qirg‘izistonliklar Putin monumenti uchun joy yaxshi tanlanmaganini aytmoqda. Boisi haykal hojatxonaga yaqin joyga o‘rnatilgan.
Ma'lumot uchun, 2018 yil may oyida Rossiyaning Qozog‘istonga chegaradosh Qo‘rg‘on oblastida «Vatanga xizmat» yodgorligi ochilgan.
Dastlab yodgorlik markazida Vladimir Putinning monumenti o‘rnatilgan, ammo yodgorlik ochilishiga 2 kun qolganda monument olib qo‘yilgan. O‘shanda Rossiya davlat dumasi deputati Aleksandr Iltyakovning tashabbusi bilan qilingan loyiha prezident administratsiyasining qarshiligi bilan chala qolgan edi.
Mavzuga oid
10:50
Putin Sheynbaum inauguratsiyasida qatnashish uchun Meksikaga bormaydi
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024