Azizov: Afg‘onistondagi beqarorlik yirik mintaqaviy loyihalarni amalga oshirishga to‘sqinlik qilmoqda
Afg‘onistondagi beqaror vaziyat yirik mintaqaviy loyihalarni amalga oshirishga to‘sqinlik qilmoqda. Bu haqda payshanba kuni O‘zbekiston Davlat xavfsizlik xizmati raisi Abdusalom Azizov aytib o‘tdi, deb xabar berdi Kun.uz muxbiri.
«Afg‘onistondagi beqarorlik giyohvand moddalar kontrabandasi va transchegaraviy jinoyatchilikning o‘sishiga olib kelmoqda, yirik mintaqaviy iqtisodiy, energetik va transport loyihalarini amalga oshirishga to‘sqinlik qilmoqda», - dedi DXX rahbari Toshkentda bo‘lib o‘tgan MDHning xavfsizlik va maxsus xizmat organlari rahbarlari kengashi yig‘ilishida.
Uning so‘zlariga ko‘ra, «Afg‘onistondagi tashqi kuchlar manfaatlarining to‘qnashuvi, qurolli muxolifat va terroristik tashkilotlar faolligining kuchayishi» afg‘onlararo muloqotni o‘rnatish jarayoniga salbiy ta'sir ko‘rsatishda davom etmoqda.
Shu bilan birga, Abdusalom Azizov Afg‘onistondagi vaziyatni barqarorlashtirish bo‘yicha sa'y-harakatlar MDH va Markaziy Osiyo makonida xavfsizlikni ta'minlash bo‘yicha chora-tadbirlar majmuasida muhim yo‘nalish bo‘lib qolishini ta'kidladi.
Mavzuga oid
00:28 / 19.09.2024
Dunyoda bir oy ichida qariyb 50 ming kishida vabo aniqlandi
11:27 / 14.09.2024
Rossiya, Tojikiston va Qirg‘izistondan olib kelingan narkotik moddalar to‘xtatib qolindi
19:07 / 13.09.2024
Abdulaziz Komilov AQShning Afg‘oniston bo‘yicha vakili bilan uchrashdi
09:20 / 13.09.2024