Namangan shahriga yangi hokim tayinlandi
«O‘zagrokimyohimoya» aksiyadorlik jamiyati boshqaruvi raisi Olimjon Isayev Namangan shahar hokimi etib tayinlandi.
Xalq deputatlari Namangan shahar kengashining navbatdan tashqari sessiyasi bo‘lib o‘tdi. Sessiya ishida Prezident maslahatchisining o‘rinbosari Umar Ismoilov, viloyat hokimi Xayrullo Bozorov ishtirok etdi.
Sessiyada tashkiliy masala ko‘rildi. Namangan shahar hokimligi axborot xizmati xabar qilishicha, shu paytgacha «O‘zagrokimyohimoya» aksiyadorlik jamiyati boshqaruvi raisi lavozimida ishlab kelgan Olimjon Isayev Namangan shahar hokimi etib tayinlandi.
Olimjon Isayev 1972 yili Namanganda tug‘ilgan. Toshkent davlat agrar universiteti va Namangan davlat universitetini tamomlagan.
Namangan shahridagi «Ifoda agro kimyo himoya» korxonasi direktori, viloyat fermerlar kengashi raisi, «Mexmash» MChJ kuzatuv kengashi raisi vazifalarida ishlagan. 2018 yil may oyidan beri «O‘zagrokimyohimoya» aksiyadorlik jamiyati boshqaruviga raislik qilib kelayotgandi.
Eslatib o‘tamiz, Namangan shahrining sobiq hokimi Shavkatjon Abdurazzaqov 5 mart kuni Ekologiya va atrof-muhitni muhofaza qilish davlat qo‘mitasi raisi lavozimiga tasdiqlangandi.
Mavzuga oid
21:18 / 08.09.2024
Otabek Umarov Osiyo Olimpiya Kengashining mintaqaviy vitse-prezidenti bo‘ldi
19:01 / 03.09.2024
Prezident yig‘ilishida ishdan olingan Mingbuloq tumani hokimi yangi lavozimga tayinlandi
15:52 / 27.08.2024
To‘raqo‘rg‘on tumaniga yangi hokim tayinlandi
12:30 / 18.08.2024