Mirziyoyev va To‘qayev koronavirus bilan bog‘liq vaziyatni muhokama qildi
Shavkat Mirziyoyev qozog‘istonlik hamkasbining qat'iy harakatlarini qo‘llab-quvvatlab, ular o‘z vaqtida va asosli ekanligini ta'kidladi
O‘zbekiston Respublikasi prezidenti Shavkat Mirziyoyev va Qozog‘iston Respublikasi prezidenti Qosim-Jo‘mart To‘qayev o‘rtasida telefon orqali muloqot bo‘lib o‘tdi. Bu haqda Qozog‘iston prezidentining saytida xabar qilindi.
Qayd etilishicha, davlat rahbarlari koronavirus pandemiyasining tarqalishi bilan bog‘liq vaziyatni muhokama qildilar, bir-birlariga kasallikka qarshi kurash bo‘yicha ko‘rilayotgan chora-tadbirlar to‘g‘risida ma'lumot berdilar.
Shavkat Mirziyoyev qozog‘istonlik hamkasbining qat'iy harakatlarini qo‘llab-quvvatlab, ular o‘z vaqtida va asosli ekanligini ta'kidladi.
Prezidentlar oliy darajadagi hamkorlik va ikki mamlakat hukumatlari faoliyatini muvofiqlashtirish to‘g‘risida kelishib oldilar. Suhbat chog‘ida O‘zbekiston va Qozog‘iston o‘rtasidagi savdo-iqtisodiy va gumanitar sohalardagi hamkorlikni yanada mustahkamlash bo‘yicha birgalikdagi ishlarni davom ettirish muhimligi to‘g‘risida fikr bildirildi.
Ma'lumot uchun, Qozog‘istonda ayni vaqtga kelib koronavirusga chalinish bilan bog‘liq 32ta holat aniqlangan bo‘lsa, O‘zbekistonda 13ta holat qayd etildi.
Mavzuga oid
17:06 / 06.10.2024
Qozog‘istonda AESni xalqaro konsorsium qurishi kerak – To‘qayev
14:28 / 02.10.2024
Islohotlarni hayotga tatbiq etish uchun prezidentga 7 yil muddat yetarli - To‘qayev
22:16 / 27.09.2024
To‘qayev korteji marshrutidan o‘q otish qurollari topildi
16:18 / 02.09.2024