Xorazm viloyati hokimi bozordagi narxlar bilan tanishdi
Xorazm viloyati hokimi Farhod Ermanov Urganch markaziy dehqon bozoriga tashrif buyurib, oziq-ovqat mahsulotlarining narxlari bilan tanishdi. Bu haqda Xorazm viloyati matbuot xizmati xabar berdi.
19 mart kuni viloyat rahbari sektor rahbarlari, shahar va tuman hokimlari bilan birgalikda bozor hududida tashkil qilingan arzonlashtirilgan mahsulotlar savdo yarmarkasiga bordi. Unda viloyatning barcha tumanlari uchun alohida rastalar ajratilgan bo‘lib, qayta ishlash korxonalari, kichik biznes va xususiy tadbirkorlik sub'yektlari, chorvachilik, parrandachilik, baliqchilik hamda asalarichilikka ixtisoslashgan xo‘jaliklar, dehqonlar turli xil oziq-ovqat va qishloq xo‘jaligi mahsulotlari bilan aholiga xizmat ko‘rsatmoqdalar.
Yarmarka ishtirokchilariga koronavirusga qarshi karantin davrida oziq-ovqat va qishloq xo‘jaligi mahsulotlari narxini asossiz oshirmaslik haqida tushuntirish berildi. Bosh prokuratura huzuridagi Departamentning viloyat boshqarmasi, viloyat davlat soliq boshqarmasi narxlarni nazorat qilish bo‘yicha maxsus tadbirlarni muntazam olib borishi haqida ogohlantirildi.
Yarmarkada Departamentning viloyat boshqarmasi tashabbusi bilan aholiga bepul isiriq tarqatildi.
Mavzuga oid
16:06 / 08.08.2024
Xorazm viloyatining ikki tumaniga yangi hokimlar tayinlandi
08:26 / 10.07.2024
Xorazmda pul evaziga o‘qishga kiritib qo‘yishni va’da qilgan shaxs ushlandi
08:38 / 03.07.2024
Xorazmda daraxt ko‘chatlarini parvarish qilmagan mansabdorlarga 91 mln so‘m jarima qo‘llandi
15:26 / 15.06.2024