Toshkent viloyatida karantinga olingan fuqarolarni saqlash uchun 3 ta obekt qurilmoqda
Toshkent viloyati hududida xorijdan kelgan O‘zbekiston fuqarolarini vaqtinchalik karantinda saqlashga mo‘ljallangan 3 ta obekt qurilmoqda. Bu haqda Kun.uz’ga Toshkent viloyati hokimligi axborot xizmati rahbari Behzod Qobulov ma'lum qildi.
“Chirchiqda Toshkent harbiy okrugiga qarashli umumqo‘shin poligonida yuqumli kasalliklarni davolashga mo‘ljallangan dala sharoitidagi harbiy-tibbiy gospital qurildi. U foydalanishga tayyor.
Bu yerda mudofaa vazirligining yuqori malakali harbiy shifokorlari faoliyat olib bormoqda. Mazkur hududda Afrikada Ebola virusini davolashda sinovdan o‘tgan maxsus izolyatsiya moslamasi bor.
Dala o‘quv maydonining bir qismida bemorlar ovqatlanishi uchun chodirlar qurildi. Shuningdek, bu yerda ona va bolalar dam olishi uchun maxsus joylar tashkil etildi”, deya Behzod Qobulovning so‘zlarini keltirmoqda Kun.uz muxbiri.
Qobulovning aytishicha, ayni paytda Toshkent viloyatining Zangiota va Yuqori Chirchiq tumanlarida ikkita maxsus karantin hududi qurilishi jadal sur'atlarda davom etmoqda. Ushbu shifoxonalar qisqa muddatlarda foydalanishga topshirilishi rejalashtirilgan.
Toshkentda uchta shifoxona qurilib, foydalanishga topshiriladi
“Zangiotadagi shifoxonaning loyihasi uch kun ichida ishlab chiqilgan. U har biri 5000 kishiga mo‘ljallangan ikkita blokni, shuningdek, tibbiyot xodimlari uchun turar joylarni, reanimatsiya bo‘limlarini va karantin uchun maxsus xonalarni o‘z ichiga oladi. 500 bemorga mo‘ljallangan ilk konteynerlar bugun kechki payt olib kelindi. Kommunikatsiya tarmoqlariga ulanish, shifoxonani jihozlash, zarur infratuzilmani yaratish qurilish ishlari bilan birga olib borilmoqda. Bu yerga xorijdan charter reyslar orqali olib kelinadigan o‘zbekistonliklar joylashtiriladi”, dedi Toshkent viloyati hokimligi axborot xizmati rahbari.
Mavzuga oid
08:50 / 08.10.2024
Piyodalar yo‘lagida navbatdagi qurbon: Olmaliqda “peshexod”dan o‘tayotgan piyoda mashina urib ketishi oqibatida halok bo‘ldi
14:34 / 03.10.2024
Toshkent viloyatida chuqurga tushib ketgan odam chiqarib olindi
14:30 / 28.09.2024
O‘zbekistonga 3 metrlik bo‘g‘ma ilonni olib kirmoqchi bo‘lgan bo‘lgan shaxs to‘xtatib qolindi
13:14 / 12.09.2024