Olmaliq shahri ham transport vositalari uchun yopildi
Bugun, 27 martdan boshlab Olmaliqqa kirish-chiqish yo‘llari yopilib, shaharda jamoat transporti harakati vaqtinchalik cheklandi.
Olmaliq shahar hokimligi xabariga ko‘ra, 27 martdan e'tibor shahardagi barcha turdagi jamoat transportlari harakati ham vaqtinchalik cheklangan.
«Olmaliq shahriga faqatgina «Olmaliq-Toshkent» yo‘nalishida kirib-chiqish uchun statsionar post tashkil etilib, ushbu post shaharga yagona kirib-chiqish posti hisoblanlanadi.
Statsionar postda avtotransport vositalarining kirib-chiqish mahalliy davlat hokimiyati organlari, huquq-tartibot idoralari, korxona, tashkilotlarda ishlovchi xodimlarning avtotransport vositalari majburiy ravishda dezinfeksiya qilinadi», – deyiladi xabarda.
Shaharga kirish va chiqishdagi cheklovlar yuk tashish bilan bog‘liq hollarga, doimiy yashovchi (ro‘yxatdan o‘tgan) shaxslarga, mahalliy davlat hokimiyati organlariga, huquq-tartibot idoralari, shifokor va hamshiralar, sanitariya-epidemiologik osoyishtalik markazi xodimlariga nisbatan tatbiq etilmaydi.
Eslatib o‘tamiz, bugundan boshlab O‘zbekistonda viloyatlararo transport harakati to‘xtatildi.
- Avvalroq Toshkent, Namangan, Andijon, Guliston, Qarshi, Navoiy, Buxoro va Samarqand shaharlariga kirish va chiqishda cheklovlar o‘rnatilgan, Surxondaryo viloyati transport vositalari uchun yopilgandi.
- Koronavirus yuqtirib olgan bemorlar hozirgacha Toshkent shahridan tashqari, Buxoro, Farg‘ona, Andijon va Namangan viloyatlarida aniqlangan.
Mavzuga oid
08:50 / 08.10.2024
Piyodalar yo‘lagida navbatdagi qurbon: Olmaliqda “peshexod”dan o‘tayotgan piyoda mashina urib ketishi oqibatida halok bo‘ldi
14:34 / 03.10.2024
Toshkent viloyatida chuqurga tushib ketgan odam chiqarib olindi
14:30 / 28.09.2024
O‘zbekistonga 3 metrlik bo‘g‘ma ilonni olib kirmoqchi bo‘lgan bo‘lgan shaxs to‘xtatib qolindi
13:14 / 12.09.2024