O‘zbekistonda banklar resurslari qisqarayotgani yo‘q – MB
Epidemiologik holat davrida fuqarolarning banklardan o‘z mablag‘larini qaytarib olishi, pullarni xorijiy valutaga almashtirish, kreditlarni restrukturizatsiya qilish masalalari turganda banklar o‘z likvidligini saqlab qola oladimi?
O‘zbekiston banklari yetarlicha likvidlikka ega, deb ma'lum qildi Markaziy bank boshqarma boshlig‘i Husanxo‘ja Obidov yuqoridagi savolga javoban.
«Markaziy bank tijorat banklarining likvidligi ustidan doimiy monitoring olib boradi. Xususan, jismoniy va yuridik shaxslarning hisobraqamlaridagi qoldiqlar, valuta oldi-sotdisi nazorat qilinadi.
Aytish mumkinki, O‘zbekistonda bank tizimi yetarli darajada likvidlikka ega. Banklardagi resurslarning qisqarish holatlari kuzatilmayapti.
Likvidlik bilan bog‘liq muammolar yuzaga kelganda ham Markaziy bank ularni qo‘llab-quvvatlash uchun kerakli vositalarga ega», – dedi Husanxo‘ja Abidov 30 mart kungi brifingda.
Bundan oldin Karantin davrida xalqaro pul o‘tkazmalari xizmati cheklanmasligi, plastik kartalar bilan ham muammo bo‘lmasligi ma'lum qilingan edi.
Mavzuga oid
13:41 / 08.10.2024
Fuqarolarni onlayn kredit firibgarligidan saqlovchi choralar belgilandi. Yangi mexanizm qanday ishlaydi?
23:44 / 07.10.2024
O‘zbekiston oltin-valuta zaxiralari 41 mlrd dollardan oshdi
12:10 / 03.10.2024
Rossiya sudi AQSh ikki bankining 372 mln dollarlik hisobraqamlarini xatlovga oldi
09:30 / 30.09.2024