Tramp Xalqaro jinoiy sud xodimlariga nisbatan sanksiya joriy etilishiga ruxsat berdi
AQSh prezidenti Donald Tramp Amerika harbiy xizmatchilarning Afg‘onistondagi ehtimolli jinoyatlarini surishtira boshlagan Xalqaro jinoiy sud (XJS) xodimlariga nisbatan sanksiya joriy etish to‘g‘risidagi farmonni imzoladi.
Farmon AQSh Moliya vazirligiga XJS xodimlarining moliyaviy aktivlarini bloklash, Davlat departamentiga esa — ularni mamlakatga kiritmaslik imkonini beradi.
Oq uy saytidagi bayonotda XJS AQSh va uning ittifoqchilari, jumladan Isroilga nisbatan «siyosiy surishtiruvlar o‘tkazayotgani» qayd etilgan va Vashington XJSning oliy rahbariyatida darajasida korrupsiya mavjud bo‘lishi, shu sababli uning surishtiruvlari noxolis bo‘lishi mumkinligi qayd etilgan.
AQSh Xalqaro jinoiy sud tuzilishiga asos bo‘lgan Rim statutini ratifikatsiya qilmagan va XJSning AQSh fuqarolari ustidan yurisdiksiyasini tan olmaydi.
Afg‘onistondagi amerikaliklar, toliblar va mahalliy harbiylarning xatti-harakatlari ustidan dastlabki xalqaro surishtiruv 2006 yildayoq boshlangan edi. 2017 yilda ayblov tomoni mojaro jarayonida harbiy jinoyatlar sodir etilganini ta'kidlash uchun asoslar borligi haqida bayonot bergan. 2020 yilning martida XJS Apellyatsion palatasi to‘laqonli surishtiruv o‘tkazishga ruxsat bergan.
Mavzuga oid
21:08 / 30.09.2024
Lukashenko hukumatining belaruslarga qarshi jinoyatlari to‘g‘risidagi materiallar XJS prokuroriga yuborildi
23:22 / 24.09.2024
BMT Afg‘onistonda ayollarga qo‘yilgan barcha cheklovlarni olib tashlashni talab qildi
19:37 / 24.09.2024
Muhojirlardan himoyalanish uchun: Eron Afg‘oniston bilan chegarada devor qurmoqda
00:28 / 19.09.2024