Osiyoning eng boy odami milliarderlar ro‘yxatining yetakchi o‘ntaligiga kirdi
Hindistonlik milliarder Mukesh Ambani 4G aloqani ta'minlovchi Jio xizmati aksiyalarini sotgandan keyin Forbes’ning milliarderlar ro‘yxatida yuqoriladi.
Shundan keyin Reliance Industries hind kompaniyasining asosiy egasi Mukesh Ambani eng boy odamlar ro‘yxatining yetakchi o‘ntaligiga kirdi. U, shuningdek, yetakchi o‘ntalikdan o‘rin olgan yagona osiyolik hisoblanadi.
Nashr ma'lumotlariga ko‘ra, Ambani ayni vaqtda reytingning 9-o‘rnini egallamoqda. Uning boyligi bir necha kun ichida 3,5 mlrd dollarga ko‘payib, hozirda 64,6 mlrd dollarga baholanmoqda.
Bir kun avval Reliance Industries kompaniyasi Jio xizmatining 15,2 mlrd dollarlik 24,7 foiz aksiyasini sotganini e'lon qilgan. Aksiyalarni sotib olganlar orasida Facebook ham bo‘lgan. Shundan keyin Reliance Industries aksiyalari bir kun ichida 6 foizdan ko‘proqqa, mart oyidan beri esa deyarli 2 marta qimmatlashgan.
Ayni vaqtda milliarderlar ro‘yxatining eng yuqori pog‘onasini 160 mlrd dollarlik kapital bilan Amazon rahbari Jyeff Bezos egallamoqda. Keyingi o‘rinlarni Microsoft asoschisi Bill Geyts va Louis Vuitton Moet Hennessy kompaniyalar guruhi prezidenti Bernar Arno egallamoqda.
Mavzuga oid
17:48 / 13.07.2024
Hindistonda «asr to‘yi». Osiyoning eng badavlat insoni o‘g‘lini uylantiryapti
14:47 / 09.08.2023
Osiyoda ishlab chiqarilgan mahsulotlar narxi ishchi kuchi yetishmayotgani sababli oshishi mumkin - WSJ
21:23 / 29.06.2023
2022 yildan beri oltinchi milliarder Rossiya pasportidan voz kechdi
21:38 / 22.04.2023