SpaceX kompaniyasi yana 57ta sputnikni fazoga uchirdi
SpaceX kompaniyasining Falcon 9 raketa-tashuvchisi 7 avgust kuni Florida shtatining Kanaveral burnidan fazoga parvoz qildi.
U Starlink tarmog‘ining 57ta sputnigi va BlackSky kompaniyasining 2ta sputnigini yer orbitasiga chiqarishi lozim. Bu Falcon 9 raketa-tashuvchisining shunday missiyani o‘ninchi marotaba amalga oshirishidir.
Starlink tarmog‘i butun dunyo aholisini internet bilan ta'minlashni maqsad qilgan. Bu yer atrofidagi orbitada 500 kg vaznli juda ko‘p kichik sputniklarni joylashtirish orqali amalga oshiriladi. Aloqa tizimi aholini 1 Gbit/s tezlikda internet bilan ta'minlaydi. Bu esa 5G aloqa formati bilan barobardir.
Birinchi bo‘lib yuqori tezlikdagi internetga 2020 yil oxirida AQSh janubi aholisi ega bo‘ladi.
Barcha sputniklarni orbitaga chiqarish uchun kompaniya 10 milliard dollar sarflashiga to‘g‘ri keladi.
Avvalroq, 2019 yilda SpaceX fazoga 60ta sputnikni uchirgan edi. Dasturga ko‘ra ularning soni 4,5 mingga yetishi kutilmoqda.
Mavzuga oid
14:30 / 23.09.2024
SpaceX 2026 yilgacha Marsga beshta kema uchirmoqchi
20:36 / 12.09.2024
Tarixda ilk bor professional bo‘lmagan astronavtlar ochiq kosmosga chiqdi
21:36 / 10.09.2024
SpaceX birinchi shaxsiy tadqiqot missiyasini uchirdi. Noprofessional astronavtlar ochiq kosmosga chiqadi
18:16 / 08.09.2024