Livan hukumati namoyishlar ortidan iste'foga chiqdi
Bayrutdagi halokatli portlash ortidan yuz bergan norozilik namoyishlari Livan hukumatini iste'foga chiqishga majburladi.
Livan hukumati iste'foga chiqdi, deb bayonot berdi sog‘liqni saqlash vaziri Hamid Hasan LBC telekanali efirida.
Vazirlar Mahkamasida o‘tkazilgan yig‘ilishdan so‘ng, Zeyna Akr Mudofaa vaziri kursisini tark etgan. Avvalroq, hukumatning bir necha vakili iste'fo haqida bayonot bergan edi. 10 avgust kuni kechqurun bu masala bo‘yicha bosh vazir Hasan Diab ham bayonot berishi kutilmoqda.
Hukumatning to‘liq tarkibda iste'foga chiqishi Bayrut aholisi talablaridan birining bajarilishini anglatadi.
Bayrut portidagi kuchli portlash 4 avgust kuni sodir bo‘ldi. Natijada, shaharga juda katta zarar yetkazildi, 4 mingdan ortiq odam jabrlandi, 300 mingdan ortig‘i uylaridan mahrum bo‘ldi, 200ga yaqin insonning jasadi topildi.
7 avgustdan boshlab livanliklar norozilik namoyishiga chiqishdi, keyinchalik bu ommaviy to‘qnashuvlarga aylanib ketdi. Namoyishchilar politsiyani toshbo‘ron qilishdi, petardalarni otishdi, bunga javoban, politsiya ko‘zni yoshlantiruvchi gazga ega granatalarni uloqtirdi. Namoyishchilar bir qancha talablarni qo‘yishdi, jumladan, parlamentni tarqatib yuborish, islohotlarni o‘tkazish va h.k.
Juma kuni ular 4ta vazirlikning binosini egallashdi, ammo keyinchalik harbiylar ularni hukumat idoralaridan siqib chiqarishga muvaffaq bo‘lishdi.
Ichki ishlar vazirligi xabariga ko‘ra, tartibsizliklar oqibatida xavfsizlik xizmatining bir xodimi halok bo‘ldi, 700dan ortiq kishi jarohatlandi.
Mavzuga oid
20:02 / 20.09.2024
Isroil Bayrutga zarba berdi, «Hizbulloh» yetakchilaridan biri o‘ldirildi
10:50 / 20.09.2024
YeI Livanda elektron qurilmalarning ommaviy portlashini qoraladi
21:36 / 19.09.2024
The New York Times: Isroil «zamonaviy Troya oti»ni yaratdi
20:46 / 19.09.2024