Lukashenko kuch ishlatish tuzilmalariga mamlakatda tartib o‘rnatish uchun ikki kun muhlat berdi
Belarus prezidenti Aleksandr Lukashenko kuch ishlatish tuzilmalariga mamlakatda tartibsizliklar uyushtirganlarni aniqlash va ikki kun ichida respublikadagi vaziyatni barqarorlashtirish vazifasini topshirdi.
"Shanba, yakshanba o‘ylash uchun vaqt. Dushanbadan xafa bo‘lish yo‘q. Hokimiyat hokimiyat bo‘lishi kerak", - ta'kidladi Belarus rahbari Grodnoda tarafdorlari oldida chiqish qilar ekan.
Lukashenko xususan, ichki ishlar vazirligi va Grodno oblasti bo‘yicha davlat xavfsizlik qo‘mitasiga "shanba va yakshanba davomida Grodno hamda oblastning boshqa shaharlarida ko‘chalarni tartibga solish"ni topshirdi.
"Barcha gijgijlovchilar va ig‘vogarlarni aniqlash kerak. Bizda ularning barchasining ro‘yxati bor", - dedi u.
Lukashenko hukumat askarlarni respublika chegaralarini himoya qilish o‘rniga shahar ko‘chalarida tutib turishga majbur bo‘layotganligidan taassufda ekanligini aytdi.
"Bugun qo‘shinlarimiz chegarada bo‘lishi kerak, biz bo‘lsak askarlarni xavfsizlik, tartibni ta'minlash uchun shahar ko‘chalari va maydonlarda ushlab turibmiz. Shu yaxshimi?" – dedi Belarus prezidenti.
Mavzuga oid
22:33 / 16.09.2024
Lukashenko yana 37 nafar siyosiy mahbusni afv etdi
00:12 / 13.09.2024
Lukashenko Qorabog‘ atrofidagi voqealarda Armaniston rahbariyatini aybladi
15:37 / 04.09.2024
Lukashenko 2020 yilgi namoyishlarning 30 ishtirokchisini afv etdi
20:56 / 22.08.2024