LG elektron tibbiy niqob ishlab chiqdi
Janubiy Koreyada havo tozalagichga ega elektron tibbiy niqob PuriCare taqdim etildi. Niqob LG kompaniyasi tomonidan ishlab chiqilgan.
Elektron niqobda zarralarni yuqori samaradorlik bilan ushlovchi ikkita HEPA H13 filtri o‘rnatilgan. Bundan tashqari, niqob unda yengil nafas olish uchun ikkita ventilyator bilan jihozlangan. Niqobda odam nafas olayotgani va chiqarayotganini qayd qiluvchi datchik o‘rnatilgan bo‘lib, ventilyatorlar o‘z aylanish tezligini shunga mos ravishda sozlab turadi.
Kompaniyada ta'kidlanishicha, “aqlli” niqob bir marotabalik niqoblar taqchilligi va qo‘lbola sifatsiz niqoblar muammosini hal qiladi.
Niqob 820 milliamper-soatli batareya bilan jihozlangan bo‘lib, u niqobni o‘rnatilgan parametrlarga bog‘liq ravishda 2 soatdan 8 soatgacha taqib yurish imkonini beradi.
Kompaniyada niqobning koronavirusga qarshi samaradorligi haqida hech narsa deyilmagan. Biroq ekspertlar niqob aynan pandemiyaga javoban ishlab chiqilgan, deb hisoblamoqdalar. Shuningdek, niqobning necha pul turishiga oydinlik kiritilmagan, biroq u 2020 yilning 4-choragidan ba'zi davlatlarda sotuvga chiqarilishi ma'lum qilingan.
Mavzuga oid
14:20 / 27.09.2024
Janubiy Koreyada itlarni go‘shti uchun boqishdan bosh tortgan fermerlarga pul to‘lanadi
21:57 / 26.09.2024
Samsung xodimlari radiatsiyaga uchragani tufayli kompaniya jarimaga tortildi
17:21 / 14.09.2024
O‘zbekistonlik harbiylar Janubiy Koreyada o‘tkazilgan xalqaro musobaqada 1-o‘rinni qo‘lga kiritdi
19:06 / 04.09.2024