Facebook smartfon kamerasi orqali Instagram foydalanuvchilarini kuzatganlikda ayblanmoqda
Da'vogar Brittani Konditining ta'kidlashicha, Facebook «o‘z foydalanuvchilari to‘g‘risidagi qimmatli ma'lumotlarni» boshqa yo‘l bilan yig‘a olmagani sababli smartfonlar kameralaridan foydalangan.
San-Fransisko sudiga Facebook kompaniyasining Instagram ilovasi foydalanuvchilar foto va video suratga olmagan paytda ham iPhone kamerasidan foydalanayotganligi borasida da'vo arizasi kelib tushdi. Bu haqda Instagram foydalanuvchisi bergan ariza matniga asoslanib Bloomberg xabar qildi.
Shu yilning iyulida qator Instagram foydalanuvchilari ilova iPhone kamerasidan uning egasi ruxsatisiz foydalanishi mumkinligi to‘g‘risidagi eslatmaga e'tibor qaratishgandi. Facebook bu eslatmani nuqson deb izohlagan va foydalanuvchilarni smartfon kamerasi orqali kuzatmasligini bildirgandi.
Da'vogar Brittani Konditining ta'kidlashicha, Facebook «o‘z foydalanuvchilari to‘g‘risidagi qimmatli ma'lumotlarni» boshqa yo‘l bilan yig‘a olmagani sababli smartfonlar kameralaridan foydalangan.
Avvalroq, 12 avgustda, Facebook Instagram foydalanuvchilarining biometrik ma'lumotlarini yig‘ish uchun qiyofani aniqlash texnologiyasidan foydalanganlikda ayblangandi. Illinoyslik Instagram foydalanuvchisi ana shunday shikoyat bilan chiqqandi.
Kompaniya bu e'tirozni rad etgan va Instagram bunday texnologiyalardan foydalanmasligini ma'lum qilgan.
Mavzuga oid
21:56 / 18.09.2024
Instagram o‘smirlar uchun ota-onalar nazoratidagi akkauntlarni joriy qilmoqchi
21:49 / 17.09.2024
Instagram ota-onalarning o‘smir farzandlari akkauntlari ustidan nazoratini kuchaytiradi
15:26 / 11.08.2024
Turkiyada Instagram blokdan chiqarildi
00:06 / 10.08.2024