Qirg‘iziston parlamentiga saylovlarning dastlabki natijalari e'lon qilindi
Qirg‘izistonda 4 oktyabrda o‘tgan parlament saylovlarining dastlabki natijalariga ko‘ra, 7-chaqiriqdagi parlamentga saylovlarda ishtirok etgan 16ta partiyadan 4tasi o‘tdi.
Respublika markaziy saylov komissiyasi ma'lumotlariga ko‘ra, ayni vaqtda parlamentga o‘tish uchun zarur bo‘lgan 7 foizlik to‘siqdan “Birimdik” (24,96 foiz), “Mekenim Kirgizstan” (24,33 foiz), “Kirgizstan” (8,9 foiz), “Butun Kirgizstan” (7,2 foiz) partiyalari o‘tgan. Ularga 6,94 foiz to‘plagan “Mekenchil” partiyasi qo‘shilishi mumkin.
Ma'lum qilinishicha, 90 foiz saylov uchastkasidan olingan ma'lumotlar qayta ishlangan.
Agar raqamlar o‘zgarmasa, parlamentga o‘tgan partiyalar orasida deputatlik o‘rinlari quyidagicha taqsimlanadi: “Birimdik” - 41, “Mekenim Kirgizstan” - 40, “Kirgizstan” - 15, “Butun Kirgizstan” - 12, “Mekenchil” - 12.
Bu orada 2,15 foiz ovoz to‘plagan “Sotsial-Demokratlar” partiyasi vakillari muddatsiz norozilik namoyishi boshlashlarini e'lon qilishgan. Ular saylovlar natijalarini noqonuniy deb topishni talab qilishmoqda va boshqa partiyalarni ularni qo‘llab-quvvatlashga chaqirishmoqda.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024