Aliyev Tog‘li Qorabog‘da 10dan ortiq qishloq nazorat ostiga o‘tganini ma'lum qildi

Ozarboyjon qurolli kuchlari Zangilon, Fuzuliy, Jabroil va Qubadli rayonlaridagi 13ta qishloqni nazoratga olgan.

Foto: REUTERS/Official web-site of President of Azerbaijan

Ozarboyjon prezidenti Ilhom Aliyev mamlakat qurolli kuchlari Tog‘li Qorabog‘ atrofidagi to‘rtta rayonda 10dan ortiq qishloqni nazorat ostiga olganligini ma'lum qildi.

Azertaj agentligining xabar berishicha, Ozarboyjon qurolli kuchlari Zangilon, Fuzuliy, Jabroil va Qubadli rayonlaridagi 13ta qishloqni nazoratga olgan.

Tog‘li Qorabog‘da bir oydan beri Armaniston va Ozarboyjon qurolli kuchlari o‘rtasida janglar davom etmoqda.

26 oktabr kuni Armaniston va Ozarboyjon tashqi ishlar vazirlari Zoxrab Mnatsakanyan va Jayxun Bayramov Tog‘li Qorabog‘da gumanitar yarashuv haqida kelishib olgandi.

Kelishuvga Mnatsakanyan va Bayramovning AQSh davlat kotibi birinchi o‘rinbosari Stiven Bigen bilan uchrashuvida erishilgandi.

#Ilhom Aliyev #Ozarboyjon