Boku Tog‘li Qorabog‘da janglar davom etayotganini ma'lum qildi
Qayd etilishicha, janglar uchta: Agdara, Xo‘javand va Gubadli yo‘nalishlarida davom etmoqda.
Ozarboyjon mudofaa vazirligi Tog‘li Qorabog‘dagi nizoli hududda janglar davom etayotgani to‘g‘risida xabar berdi.
Xabarda aytilishicha, janglar uchta: Agdara, Xo‘javand va Gubadli yo‘nalishlarida davom etmoqda.
Avvalroq tan olinmagan Tog‘li Qorabog‘ respublikasi prezidenti Araik Arutyunyan Ozarboyjon qo‘shinlari respublikaning eng muhim shaharlaridan biri – Shushaga yaqin kelganini ma'lum qilgandi.
Tog‘li Qorabog‘ hududida 27 sentyabrdan buyon janglar davom etmoqda. Rossiya va AQSh vositachiligida bir necha marta gumanitar sulh e'lon qilinishiga qaramasdan, Armaniston va Ozarboyjon o‘zaro hujumlarni to‘xtatmayapti.
Ozarboyjon prezidenti Ilhom Aliyevning ta'kidlashicha, «ozarboyjonliklar o‘zlari yashagan va bosib olingan barcha hududlarga qaytishlari kerak».
Mavzuga oid
09:50 / 20.09.2024
Toshkentda O‘zbekiston-Ozarboyjon maslahatlashuvlari bo‘lib o‘tdi
22:04 / 03.09.2024
Ozarboyjon va O‘zbekiston parom ishlab chiqarishni yo‘lga qo‘yadi
07:42 / 02.09.2024
Ozarboyjondagi parlament saylovlarida Aliyevning partiyasi g‘alaba qozondi
18:55 / 30.08.2024