Fotoreportaj: Toshkentda O‘zbekiston bayrog‘i kuni arafasida yarimmarafon o‘tkazildi
Bugun, 15 noyabr kuni Toshkent shahar Ichki ishlar bosh boshqarmasi tomonidan «Bayrog‘imiz – faxrimiz, g‘ururimiz» shiori ostida yarimmarafon tashkil etildi.
Kun.uz muxbiri xabar berishicha, marafon ishtirokchilari Toshkent shahrining Oybek va Nukus ko‘chalarida joylashgan «Shox Med Center» klinikasidan «Humo Arena» muz saroyigacha bo‘lgan 3 km masofani bosib o‘tishdi.
Musobaqada erkaklar o‘rtasida 1-o‘rinni «Asakabank» xodimi Alimardon Sobirov, 2-o‘rinni Jahon iqtisodiyoti diplomatiya universiteti qoshidagi litsey o‘qituvchisi Sarvar Umirov, 3-o‘rinni Toshkent shahar IIBB tezkor vazifalarni bajarish safarbarlik otryadi xodimi Sobir Zokirov egalladi.
«Humo Arena» muz saroyi oldida g‘oliblarni taqdirlash marosimi bo‘lib o‘tdi. Bundan tashqari, ayollar o‘rtasida alohida sovrinli o‘rinlar, shuningdek, «Eng yosh ishtirokchi», «Eng keksa ishtirokchi», «Eng faol ishtirokchi» nominatsiyalari bo‘yicha g‘oliblarga ham qimmatbaho sovg‘alar topshirildi.
Tadbirning ikkinchi qismida gala-konsert tashkillashtirildi, retro va zamonaviy avtomobillar ko‘rgazmasi ham bo‘lib o‘tdi.
Mavzuga oid
07:30 / 21.09.2024
Toshkentda mashinasini sotishni aytib, o‘zganing pulini o‘zlashtirgan shaxs ushlandi
14:28 / 20.09.2024
Sergelida BYD urib yuborgan o‘quvchi qiz vafot etdi
12:20 / 20.09.2024
Toshkentda tezligi yuqori BYD maktab o‘quvchisini urib yubordi
18:58 / 19.09.2024