Toshkent viloyatida Maserati, Audi va Malibu’da poyga uyushtirgan haydovchilarga chora ko‘rildi
Ijtimoiy tarmoqlarda Toshkent viloyatining Qibray va Yuqori Chirchiq tumanlarini Toshkent shahri bilan bog‘lovchi, yangi qurilgan avtomobil yo‘lida bir guruh haydovchilar tungi vaqtda xavfli holatni yuzaga keltirgan holda poyga uyushtirgani aks etgan videolavha tarqaldi. Toshkent viloyati IIBB YHXB tomonidan ushbu holatga oydinlik kiritildi.
Ma'lum bo‘lishicha, uch nafar haydovchi, ya'ni, 1993 yilda tug‘ilgan, Toshkent shahrining Mirobod tumanida yashovchi M.R. Audi, 1992 yilda tug‘ilgan, Toshkent shahrining Chilonzor tumanida yashovchi T.Sh. Malibu 2 va 1992 yilda tug‘ilgan K.A. Maserati transport vositalarida harakatlanish xavfsizligi talablariga zid ravishda, o‘zaro kelishuv asosida poyga uyushtirgan.
Viloyat IIBB YHXB tomonidan ushbu videolavhada aks etgan barcha transport vositalari aniqlanib, ularning haydovchilari bilan profilaktik suhbat o‘tkazilgani aytiladi.
Qayd etilishicha, bu shaxslarga nisbatan Ma'muriy javobgarlik to‘g‘risidagi kodeksning 128-5-moddasi 2-qismi tartibida bayonnoma rasmiylashtirilgan.
Mavzuga oid
13:14 / 12.09.2024
Toshkent viloyatidan yana 14 ta mahalla qisman Yangi Toshkent hududiga o‘tkazilmoqda
11:45 / 12.09.2024
Alimentda rekord: ayol 3 nafar farzandi ta’minoti uchun sobiq eriga 1,7 mlrd so‘m to‘ladi
15:48 / 10.09.2024
Toshkent viloyatidagi bo‘yoq zavodida yong‘in chiqdi
10:36 / 06.09.2024