«Odamlar prokurorga o‘g‘riga qaragandek qaramasligi kerak» - Shavkat Mirziyoyev
Prezident Shavkat Mirziyoyev Buxoro viloyatiga tashrifining ilk kunida faollar bilan muloqot qildi. Muloqot davomida davlat rahbari viloyatning yangi tayinlangan prokurori Mahmud Istamovga murojaat qildi.
«Qanday qo‘pol bo‘lmasin, bu – jamiyatimizdagi haqiqat. O‘zbekistonda korrupsiyani yo‘q qila olmayapmiz.
Prokuror degan nomga munosib bo‘lish kerak! Qonun ustuvorligini ta'minlash kerak. Prokurorga odamlar, bilasizlarmi, yorug‘ yuz bilan qarashi kerak, o‘g‘riga qaragandek qarashi kerak emas», – dedi prezident.
Davlat rahbari yana bir bor qarsakbozlik qilmaslikni so‘radi.
«Gaplashish kerak. Haqiqat – muloqotda. Qarsakda haqiqat yo‘q. Qarsakda haqiqat bo‘lganida biz juda buyuk bo‘lib ketardik.
30 yil qarsakni o‘rgandik hammamiz. Bu bizga manfaat bermadi», – ta'kidladi Shavkat Mirziyoyev.
Prezident matbuot xizmati e'lon qilgan reportajdan ko‘rinishicha, davlat rahbari Olot tumanini rivojlantirishga bosh vazirning birinchi o‘rinbosari Ochilboy Ramatovni shaxsan mas'ul etib tayinlagan.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
11:41 / 20.09.2024
Dashtobod temiryo‘l stansiyasi boshlig‘i pora olgan vaqtida ushlandi
18:55 / 19.09.2024
Korrupsiya oqibatida davlatga eng ko‘p zarar yetkazgan viloyatlar ma’lum qilindi
11:41 / 13.09.2024