Qonunchilik palatasi spikerining axborot siyosati bo‘yicha o‘rinbosari lavozimi ta'sis etildi
Oliy Majlis Qonunchilik palatasi spikerining raqamli rivojlanish va axborot siyosati masalalari bo‘yicha o‘rinbosari lavozimi ta'sis etildi.
Palataning 23 fevral kungi majlisida shunday qarorga kelindi.
Rasmiy xabarga ko‘ra, yangi lavozimni joriy etishdan maqsad – axborot maydonida deputatlarning ishtirokini yanada kengaytirish, parlament a'zolarining jamiyatda axborot siyosatini olib borishdagi faoliyatining samarali tizimini yaratishdir.
Majlisda Qonunchilik palatasining Mehnat va ijtimoiy masalalar qo‘mitasi raisi o‘rinbosari Odiljon Tojiyev spikerning raqamli rivojlanish va axborot siyosati masalalari buyicha o‘rinbosari lavozimiga saylandi.
«Spikerning yangi o‘rinbosari davlat va jamiyat qurilishining barcha sohalariga raqamli texnologiyalarni keng joriy qilish ishlarini muvofiqlashtirish, parlament va hokimiyat vakillik organlarining davlat axborot siyosatini ishlab chiqish hamda tatbiq etish jarayonidagi faol ishtirokini ta'minlashga mas'ul bo‘ladi.
Shuningdek, u O‘zbekiston Respublikasi Oliy Majlisi Qonunchilik palatasi va siyosiy partiyalar fraksiyalari tomonidan amalga oshirilayotgan axborot-tahlil faoliyatiga oid ishlarni muvofiqlashtirib boradi», – deyiladi palata axborotida.
Mavzuga oid
20:25 / 23.07.2024
Xorijdagi mahkum o‘zbekistonliklar jazoni vatanida davom ettirishi mumkinligi belgilanmoqda
19:14 / 23.07.2024
O‘zbekistonda “treningchi”lar faoliyati tartibga solinadi
10:59 / 12.07.2024
Deputatlarning sirtdan bahsi: ulardan biri o‘lim jazosini tiklash kerakligiga shama qildi, ikkinchisi javob qaytardi
14:10 / 09.07.2024